ചാലിയം: കൂട്ടുകാരുമൊത്ത് കടലുണ്ടിക്കടവ് അഴിമുഖത്ത് കുളിക്കുന്നതിനിടെ വിദ്യാര്‍ഥി മുങ്ങിമരിച്ചു. ചാലിയം ഉമ്പിച്ചിഹാജ് ഹയര്‍സെക്കന്‍ഡറി സ്‌കൂളിലെ പത്താം ക്ലാസ വിദ്യാര്‍ഥി കെപി റാഷിദ്(15) ആണ് മരിച്ചത്. ഇന്ന വൈകീട്ട് 3.30 ഓടെയാണ് അപകടം. മല്‍സ്യത്തൊഴിലാളികളും പ്രദേശവാസികളും മുങ്ങല്‍ വിദഗ്ധരും നടത്തിയ തിരച്ചിലിലാണ് റാഷിദിനെ കണ്ടെടുത്തത്. ഉടന്‍ സ്വകാര്യ ആശുപത്രിയില്‍ എത്തിച്ചെങ്കിലും മരണം സംഭവിച്ചിരുന്നു. ചാലിയപ്പാടം മൈത്രി ബസ് സ്റ്റോപിനു സമീപം താമസിക്കുന്ന കെ.പി.സി കോയമോന്‍- ഹൈറുന്നിസ ദമ്പതികളുടെ മകനാണ്. സഹോദരങ്ങള്‍; സെഹിര്‍, മിസ്ഹബ്.