അമ്പലപ്പുഴ: മലിനജലം പൊട്ടി ഒലിക്കുന്നത് രോഗികളെയും സന്ദര്‍ശകരെയും വലയ്ക്കുന്നു. ആലപ്പുഴ വണ്ടാനം മെഡിക്കല്‍ കോളേജ് ആശുപത്രിയുടെ ഇ ബ്ലോക്കില്‍ പടിഞ്ഞാറ് ഭാഗത്ത് നാലാം നിലയില്‍ നിന്നും മാണ് മലിനജലം താഴത്തെ നടപ്പാതയില്‍ എത്തുന്നത്.
ആശുപത്രി എത്തുന്ന രോഗികള്‍ക്ക് ബുദ്ധിമുട്ടു ഉളവാക്കുകയാണ്. ഈ കെട്ടിടത്തിന്റെ താഴെയാണ് ഹൃദ്രോഗവിഭാഗം, ചെസ്റ്റ് ഒ.പി, മെഡിസിന്‍ തീവ്രപരിചരണ വിഭാഗം എന്നിവ സ്ഥിതി ചെയ്യുന്നത്. ജലത്തില്‍ നിന്നു ദുര്‍ഗന്ധം വമിയ്ക്കുകയാണ്.
കക്കൂസില്‍ നിന്നും ഒഴുകിയെത്തുന്ന മലിനജലമാണ് ഇതെന്നാണ് നാട്ടുകാര്‍ പറയുന്നത്.
സന്ധ്യ കഴിഞ്ഞാല്‍ വെള്ളം കെട്ടിക്കിടക്കുന്ന ഭാഗത്ത് കൊതുകുകളും കൂത്താടികളും അരങ്ങ് തകര്‍ക്കുകയാണ്. എന്നാല്‍ രണ്ടാഴ്ച കാലമായിട്ടും അധികൃതരുടെ ഭാഗത്തു നിന്നും നടപടിയൊന്നും ഉണ്ടായിട്ടില്ല.