ജിദ്ദ: സഊദിയിലെ ജിദ്ദയിൽ സന്ദർശക വിസയിലെത്തിയ മലപ്പുറം സ്വദേശിനിയെ മരിച്ച നിലയിൽ കണ്ടെത്തി. ജിദ്ദ ഷറഫിയയിലാണ് മലപ്പുറം സ്വദേശിനിയെ താമസ സ്ഥലത്ത് തൂങ്ങി മരിച്ച നിലയിൽ കണ്ടെത്തിയത്. മലപ്പുറം തിരൂരങ്ങാടി സ്വദേശിനി മുബഷിറയാണ് (24) ഷറഫിയ ബാഗ്‌ദാദ്‌യിലെ ഫ്ലാറ്റിൽ തൂങ്ങി മരിച്ച നിലയിൽ കണ്ടത്. ഇന്നലെ രാത്രി ഏകദേശം പത്ത് മണിയോടെയാണ് സംഭവം. ഭർത്താവും രണ്ട് മക്കളും മരിച്ച സമയത്ത് ഫ്‌ളാറ്റിൽ ഉണ്ടായിരുന്നതായി നാട്ടുകാർ പറഞ്ഞു. പോലീസും ആംബുലൻസും എത്തിയിട്ടുണ്ട്. ഭർത്താവ് റാഷിദ് എം വി. മൂത്ത മകൾ 5 വയസ്. രണ്ടാമത്തെ ആൺകുട്ടിക്ക് 5 മാസം മാത്രമാണ് പ്രായം.

     സന്ദർശക വിസയിൽ എത്തിയ ഈ കുടുംബത്തിന്റെ വിസയുടെ കാലാവധി തീർന്നതും സാമ്പത്തിക പ്രയാസങ്ങളും നാട്ടിലേക്കുള്ള മടക്കം വൈകിയതായി നാട്ടുകാർ പറഞ്ഞു. കൂടുതൽ വിവരങ്ങൾ പുറത്ത് വന്നിട്ടില്ല.