റിയോ ഡി ജനീറോ: റിയോ ഒളിമ്പിക്‌സില്‍ പുരുഷന്മാരുടെ 200 മീറ്റര്‍ ഓട്ടത്തില്‍ ഉസൈന്‍ ബോള്‍ട്ടിനു സ്വര്‍ണം. തുടര്‍ച്ചയായ മൂന്നാം ഒളിംപിക്‌സിലും സ്പ്രിന്റ് ഡബിള്‍ നേടുന്ന ചരിത്രത്തിലെ ആദ്യ ഓട്ടക്കാരനായി ഉസൈന്‍ ബോള്‍ട്ട്. ഫൈനലില്‍ 19.78 സെക്കന്‍ഡിലാണ് ബോള്‍ട്ട് ഒന്നാമനായി ഫിനിഷ് ചെയ്തത്. റിയോയില്‍ ബോള്‍ട്ടിന്റെ രണ്ടാം സ്വര്‍ണമാണിത്. കാനഡയുടെ ആന്ദ്രെ ഡി ഗ്രാസെ(20.02) വെള്ളിയും ഫ്രാന്‍സിന്റെ ക്രിസ്റ്റഫര്‍ ലെമെയ്‌ട്രെ(20.12) വെങ്കലവും നേടി.

നേരത്തെ 100 മീറ്ററിലും ബോള്‍ട്ട് സ്വര്‍ണം നേടി വേഗരാജാവ് താന്‍ തന്നെയെന്ന് ഉറപ്പിച്ചിരുന്നു. ഇനി ട്രിപ്പിള്‍ ട്രിപ്പിള്‍ തികയ്ക്കാന്‍ 4X100 മീറ്റര്‍ റിലേ കൂടി സ്വന്തമാക്കണം ബോള്‍ട്ടിന്.