കൊച്ചി: സയ്യിദ് പാണക്കാട് ഹൈദരലി ഷിഹാബ് തങ്ങളുടെ അന്ത്യം ഉച്ചയ്ക്ക് 12.15ന് അങ്കമാലി ലിറ്റില്‍ ഫ്‌ളവര്‍ ആശുപത്രിയില്‍ ആയിരുന്നു. മയ്യിത്ത് സമീപത്തുള്ള അങ്കമാലി ടൗണ്‍ ജുമാമസ്ജിദില്‍  മയ്യിത്ത് കുളിപ്പിച്ചു.ടൗണ്‍ ജുമാമസ്ജിദില്‍ മയ്യിത്ത് നമസ്‌കാരം നടന്നു.മയ്യിത്ത് നമസ്‌കാരത്തിന് പാണക്കാട് നഈം അലി തങ്ങള്‍ നേതൃത്വം നല്‍കി. ഓണംപിള്ളി മുഹമ്മദ് ഫൈസി, ഇ.എസ് ഹസന്‍ ഫൈസി തുടങ്ങിയവര്‍ പങ്കെടുത്തു. പള്ളിയോട് ചോര്‍ന്ന ഹാളില്‍ പൊതുദര്‍ശനത്തിന് വെച്ചു.

പ്രതിപക്ഷ നേതാവ് വി.ഡി സതീശന്‍, വ്യവസായ മന്ത്രി പി. രാജീവ്, പി.പി.എം പൊളിറ്റ് ബ്യൂറോ അംഗം എം.എ ബേബി, മുന്‍ മന്ത്രി വി.കെ ഇബ്രാഹീംകുഞ്ഞ്, എം.എല്‍.എമാരായ കെ. ബാബു, അന്‍വര്‍ സാദത്ത്, റോജി എം. ജോണ്‍, മുന്‍ എം.എല്‍.എ ടി.എം അഹ്മദ് കബീര്‍, എന്‍.സി.പി സംസ്ഥാന പ്രസിഡന്റ് പി.സി ചാക്കോ, നടന്‍ മമ്മൂട്ടി, യൂത്ത് ലീഗ് സംസ്ഥാന ജനറല്‍ സെക്രട്ടറി പി.കെ ഫിറോസ് എന്നിവര്‍ അന്തിമോപചാരം അര്‍പ്പിച്ചു.തുടര്‍ന്ന് 3.13ന് മയ്യിത്ത് മലപ്പുറത്തേക്ക് കൊണ്ടു പോയി.