ന്യൂഡൽഹി
ഗോവയിൽ കോൺഗ്രസ് ജയിക്കുമെന്നും ബി.ജെ.പി ഇതര പാർട്ടികളുമായി സഖ്യമുണ്ടാക്കി സർക്കാർ രൂപീകരിക്കുമെന്നും കോൺഗ്രസ്.
ബി.ജെ.പിയെ കൂടാതെ എ.എ.പി, മഹാരാഷ്ട്രവാദി ഗോമന്തക് പാർട്ടി, തൃണമൂൽ കോൺഗ്രസ് എന്നീ പാർട്ടികളാണ് ഗോവയിൽ മത്സരിച്ചത്. എക്‌സിറ്റ് പോൾ ഫലങ്ങൾ ഗോവയിൽ ബി.ജെ.പിക്കും കോൺഗ്രസിനും തുല്യസീറ്റ് ലഭിക്കുമെന്നാണ് പറയുന്നത്.
തൃണമൂൽ കോൺഗ്രസിന് മൂന്നു സീറ്റും ഗോവയിൽ പ്രവചിക്കുന്നുണ്ട്. ഈ സാഹചര്യത്തിലാണ് കോൺഗ്രസിന്റെ പ്രതികരണം.
ഗോവയുടെ തെരഞ്ഞെടുപ്പ് ചുമതലയുള്ള കോൺഗ്രസ് നേതാവ് ദിനേശ് ഗുണ്ടു റാവുവാണ് പ്രതികരണവുമായി രംഗത്തെത്തിയത്.
ഗോവ ഫോർവേഡ് പാർട്ടിയുമായി സഖ്യമുണ്ടാക്കിയാണ് കോൺഗ്രസ് ഇത്തവണ മത്സരിച്ചത്.