കാക്കവയല്‍: റിയോ ഒളിംപിക്‌സില്‍ പങ്കെടുക്കുന്ന പൂര്‍വ്വ വിദ്യാര്‍ഥി ടി. ഗോപിക്ക് വിജയാശംസ നേര്‍ന്ന് കാക്കവയല്‍ ഗവ. ഹയര്‍ സെക്കണ്ടറി സ്‌കൂള്‍ വിദ്യാര്‍ഥികള്‍.
തങ്ങളുടെയും വയനാടിന്റെയും അഭിമാന താരത്തിന് കൂട്ടയോട്ടം സംഘടിപ്പിച്ചാണ് സ്‌കൂള്‍ ആശംസകള്‍ അര്‍പ്പിച്ചത്.
21നാണ് ഗോപിയുടെ മാരത്തോണ്‍ മത്സരം നടക്കുന്നത്. കൂട്ടയോട്ടം മീനങ്ങാടി സബ് ഇന്‍സ്‌പെക്ടര്‍ അബ്ബാസലി ഫ്‌ളാഗ് ഓഫ് ചെയ്തു. സ്‌കൂള്‍ പി.ടി.എ പ്രസിഡന്റ് മഹേഷ് ബാബു, മുഹമ്മദ്ഷാ, ഉമ്മര്‍ പൂപ്പറ്റ സംസാരിച്ചു.
 കാക്കവയല്‍ ജവാന്‍ സ്മൃതിയില്‍ നിന്നാരംഭിച്ച കൂട്ടയോട്ടം ഒരുകിലോമീറ്റര്‍ ഹൈവേയില്‍ പ്രയാണം നടത്തി സ്‌കൂളില്‍ സമാപിച്ചു