തിരുവനന്തപുരം: സംസ്ഥാന ഖജനാവ് കാലി. വീണ്ടും കടമെടുക്കുന്നു. 2,000 കോടി രൂപയുടെ കടപ്പത്രം പുറപ്പെടുവിക്കാനാണ് തീരുമാനം. ഇതിനായുള്ള ലേലം 23ന് റിസര്‍വ് ബാങ്കിന്റെ മുംബൈ ഫോര്‍ട്ട് ഓഫിസില്‍ ഇകുബേര്‍ സംവിധാനം വഴി നടക്കും. കഴിഞ്ഞ ചൊവ്വാഴ്ച 1,000 കോടി കടപ്പത്രം വഴി കടമെടുത്തിരുന്നു. സംസ്ഥാനത്തിന്റെ വികസന പ്രവര്‍ത്തനങ്ങളുടെ ധനശേഖരണാര്‍ഥമാണ് കടപ്പത്രം പുറപ്പെടുവിക്കുന്നതെന്നാണ് ധന വകുപ്പിന്റെ ഔദ്യോഗിക വിശദീകരണം.