ഉക്രൈനില്‍ ഒരു മാധ്യമപ്രവര്‍ത്തകന്റെ മരണം കൂടി റിപ്പോര്‍ട്ട് ചെയ്തു. ഫോക്‌സ് ന്യൂസ് ക്യാമറാമാന്‍ പെയ്‌റി സാക്രേവ്‌സ്‌കിയാണ് കൊല്ലപ്പെട്ടത്. കീവിലെ ഹൊറന്‍കയിലുണ്ടായ ആക്രമണത്തിലാണ് കൊല്ലപ്പെട്ടത്.

ഒപ്പമുണ്ടായിരുന്ന മാധ്യമപ്രവര്‍ത്തകന്‍ ബെഞ്ചമിന്‍ ഹോളിന് പരുക്കേറ്റിട്ടുണ്ട്. ഇറാഖ്, അഫ്ഗാനിസ്താന്‍, സിറിയ തുടങ്ങിയ സ്ഥലങ്ങളിലെല്ലാം ഫോക്‌സ് ന്യൂസിന് വേണ്ടി ദൃശ്യങ്ങള്‍ പകര്‍ത്തിയിരുന്നത് പെയ്‌റി ആയിരുന്നു.