കൊടുങ്ങല്ലൂര്‍: കടയടച്ച് മക്കളോടൊപ്പം വീട്ടിലേക്ക് മടങ്ങിയ യുവതിയെ വഴിയില്‍ തടഞ്ഞു നിര്‍ത്തി വെട്ടിപ്പരുക്കേല്‍പ്പിച്ചു. കൊടുങ്ങല്ലൂരിലെ എറിയാട് സ്‌കൂട്ടര്‍ യാത്രക്കാരിയായ വീട്ടമ്മയെയാണ് വെട്ടിപ്പരുക്കേല്‍പ്പിച്ചത്.

എറിയാട് ഇളങ്ങരപ്പറമ്പില്‍ നാസറിന്റെ ഭാര്യ റിന്‍സിയെയാണ് (30) യുവാവ് ആക്രമിച്ചത്. ഏഴരയോടെ ചെമ്പറമ്പ് പള്ളി റോഡിലായിരുന്നു സംഭവം. കേരളവര്‍മ്മ ഹയര്‍ സെക്കണ്ടറി സ്‌കൂളിന് സമീപമുള്ള തുണിക്കട അടച്ച് മക്കളോടൊപ്പം വീട്ടിലേക്ക് മടങ്ങുകയായിരുന്നു റിന്‍സി.

റോഡില്‍ ആളൊഴിഞ്ഞ സ്ഥലത്ത് കാത്തുനിന്ന യുവാവ് വീട്ടമ്മയെ തടഞ്ഞു നിറുത്തി വെട്ടുകയായിരുന്നു. മുന്‍ ജീവനക്കാരനാണ് വെട്ടിപ്പരുക്കേല്‍പ്പിച്ചത്.