തിരുവനന്തപുരം: ഭാര്യയും കാമുകനും ചേര്‍ന്ന് യുവാവിനെ കുത്തിക്കൊലപ്പെടുത്തി. ആനാട് സ്വദേശി അരുണ്‍(36) ആണ് കൊല്ലപ്പെട്ടത്. ഭാര്യ ആഞ്ജുവും കാമുകന്‍ ശ്രീജുവും ചേര്‍ന്നാണ് അരുണിനെ കൊലപ്പെടുത്തിയത്. ഇരുവരെയും പൊലിസ് കസ്റ്റഡിയിലെടുത്തു.

ഇന്നലെ രാത്രി പത്തുമണിയോടെയായിരുന്നു സംഭവം. വിവാഹ ശേഷം അഞ്ജുവിന് മറ്റൊരാളുമായി ബന്ധം ഉണ്ടെന്നതിനെ ചൊല്ലി ഇരുവരും പിണങ്ങി താമസിക്കുകയായിരുന്നു. അഞ്ജു ബന്ധു വീട്ടിലാണ് കഴിയുന്നത്. മകളെ കാണാനും മകള്‍ക്ക് ആവശ്യമായവ വാങ്ങി നല്‍കാനും അരുണ്‍ ഇടക്കിടെ ഇവിടെയെത്തിയിരുന്നു.

കാമുകനുമൊത്ത് ഒരുമിച്ച് ജീവിക്കാന്‍ ഭര്‍ത്താവ് എതിര്‍ത്താണ് കൊലപാതകത്തില്‍ കലാശിച്ചത്. ഇന്നലെ രാത്രി അരുണിനെ വീട്ടിലേക്ക് വിളിച്ചുവരുത്തി ശ്രീജുവും അഞ്ജുവും ചേര്‍ന്ന് ഇയാളെ കൊലപ്പെടുത്തുകയായിരുന്നു.