കോഴിക്കോട്: നഴ്‌സിങ് അക്കാദമിക് മേഖലയില്‍ വിദഗ്ധയായിരുന്ന ഡോ. സെയ്ത് സല്‍മയുടെ അനുസ്മരണാര്‍ഥം ജെ.ഡി.റ്റി ഇസ്ലാം കോളേജ് ഓഫ് നേഴ്‌സിങ്ങും, ഡോ.സെയ്ത് സല്‍മ ചാരിറ്റബിള്‍ ഫൗണ്ടേഷനും ചേര്‍ന്ന് ഒരു ലക്ഷം രൂപ യുടെ ബെസ്റ്റ് നേഴ്‌സിങ്ങ് എഡുക്കേറ്റര്‍ അവാര്‍ഡിന് എന്‍ട്രികള്‍ ക്ഷണിച്ചതായി പുരസ്‌കാരസമിതി വാര്‍ത്താസമ്മേളനത്തില്‍ അറിയിച്ചു. മേഖലയിലെ സമഗ്രസംഭാവനയാണ് പരിഗണിക്കുക.

രോഗീ പരിചരണം, നേഴ്‌സിങ്ങ് ലീഡര്‍ഷിപ്പ്, നഴ്‌സിങ്ങ് എഡുക്കേഷന്‍, സോഷ്യല്‍/കമ്മ്യൂണിറ്റി സര്‍വ്വീസ്, റിസര്‍ച്ച് ഇന്നോവേഷന്‍ തുടങ്ങിയ മേഖലകളില്‍ മികച്ച യോഗ്യതയും പ്രവര്‍ത്തനപരിചയവുമുള്ളവര്‍ക്ക് അപേക്ഷിക്കാം. മേല്‍യോഗ്യതയുള്ള ഒരാളെ മറ്റൊരാള്‍ക്ക് നിര്‍ദ്ദേശിക്കുകയും ആവാം.
അപേക്ഷ ലഭിക്കേണ്ട അവസാന തിയ്യതി 2023 ജനുവരി 31. കേരളത്തിലെ വിവിധ നേഴ്‌സിങ്ങ് കോളേജുകളില്‍ പ്രഫസര്‍, പ്രിന്‍സിപ്പല്‍ തസ്തികകളില്‍ മികച്ച സേവനം അനുഷ്ഠിക്കുകയും സൗത്ത് ഇന്ത്യയിലെ പ്രധാന യൂണിവേഴ്‌സിറ്റികളിലും കേരള പി.എസ്.സിയിലും എക്‌സാമിനര്‍, ക്വസ്റ്റ്യന്‍പേപ്പര്‍ സെറ്റര്‍, വിവിധ സര്‍ക്കാര്‍ കമ്മറ്റികളില്‍ മെമ്പര്‍, ഇന്റര്‍നാഷനല്‍ സെന്റര്‍ ഫോര്‍ എക്‌സലന്‍സ് ഇന്‍ നേഴ്‌സിങ്ങ് എന്ന സംഘടനയുടെ ഡയരക്ടര്‍ എന്നീ നിലകളില്‍ പ്രവര്‍ത്തിച്ച ഡോ.സെയ്ത് സല്‍മയുടെ ഒന്നാം ചരമവാര്‍ഷികത്തോടനുബന്ധിച്ച് 2023 മാര്‍ച്ച് മാസത്തില്‍ നടക്കുന്ന അനുസ്മരണ സമ്മേളനത്തില്‍ അവാര്‍ഡ് വിതരണം ചെയ്യും.

ഡോ.സെയ്ത് സല്‍മയോടുള്ള ബഹുമാനാര്‍ത്ഥം കോഴിക്കോട് ജെ.ഡി.റ്റി ഇസ്‌ലാം കോളേജ് ഓഫ് നഴ്‌സിങ് ആണ് അവാര്‍ഡ് സ്‌പോണ്‍സര്‍ ചെയ്യുന്നത്. വിദഗ്ധസമിതിയാണ് പുരസ്‌കാര ജേതാവിനെ തെരഞ്ഞെടുക്കുക. എന്‍ട്രികള്‍ അയക്കേണ്ട വിലാസം ഡോ. സെയ്ത് സല്‍മ ചാരിറ്റബിള്‍ ഫൗണ്ടേഷന്‍, ഡോര്‍ നമ്പര്‍ 11/1149, പയ്യടിമീത്തല്‍, വെള്ളിമാടുകുന്ന്, മേരിക്കുന്ന്.പി.ഒ, കോഴിക്കോട്- 673012. കേരള. ഇ-മെയില്‍ [email protected] (എന്‍ട്രി ഫോം ലഭിക്കാന്‍ ഈ മെയില്‍ ഐ.ഡിയില്‍ തന്നെ അപേക്ഷിക്കണം)
കൂടുതല്‍ വിവരങ്ങള്‍ക്ക് : 9447010558, 8075916478.

വാര്‍ത്താ സമ്മേളനത്തില്‍ ജെ.ഡി.റ്റി ഇസ്ലാം കോളേജ് ഓഫ് നേഴ്‌സിങ്ങ് പ്രിന്‍സിപ്പല്‍ െപ്രാഫ.പി.സി സുനിത, ഡോ.സെയ്ത് സല്‍മ ചാരിറ്റബിള്‍ ഫൗണ്ടേഷന്‍ വൈസ് ചെയര്‍മാന്‍ പ്രൊഫ. ക്യുര്യാക്കോസ് വട്ടമറ്റം, ജന.സെക്രട്ടറി സി. പ്രദീഷ്‌കുമാര്‍, അംഗങ്ങളായ പി.എം. അബൂബക്കര്‍, പി.എം. ചേക്കുഞ്ഞി എന്നിവര്‍ പങ്കെടുത്തു.