ന്യൂഡല്‍ഹി: ആം ആദ്മി സ്ഥാനാര്‍ഥിയായി മുന്‍ ഇന്ത്യന്‍ ക്രിക്കറ്റ് താരം ഹര്‍ഭജന്‍ സിങ് രാജ്യസഭയിലേക്ക്. പഞ്ചാബില്‍ നിന്നാണ് ഇദ്ദേഹം ജനവിധി തേടുന്നത്. കായിക മേഖലയില്‍ സമഗ്ര വികസനം കൊണ്ടുവരുമെന്ന് തിരഞ്ഞെടുപ്പിന് മുന്‍പ് എ.എ.പി പ്രഖ്യാപിച്ചിരുന്നു. ജലന്ധര്‍ കേന്ദ്രീകരിച്ച് കായിക സര്‍വ്വകലാശാല സ്ഥാപിക്കാനും സര്‍ക്കാരിന് പദ്ധതിയുണ്ട്. ഇതിന്റെ ചുമതലയും ഹര്‍ഭജന് നല്‍കിയേക്കും.

ഡല്‍ഹി എംഎല്‍എ രാഘവ് ചദ്ദ, ഡല്‍ഹി ഐഐടി പ്രൊഫസര്‍ സന്തീപ് പഥക്, ലവ്‌ലി സര്‍വ്വകലാശാല സ്ഥാപകന്‍ അശോക് മിത്തല്‍, വ്യവസായി സഞ്ജീവ് അറോറ എന്നിവരേയും എഎപി നാമനിര്‍ദ്ദേശം ചെയ്യുന്നതായി റിപ്പോര്‍ട്ട്.