ഇരിട്ടി: കര്‍ഷകരുടെ പേരു പറഞ്ഞ് അധികാരത്തിലെത്തിയ ഇടതുപക്ഷം കാര്‍ഷികമേഖലയെ പൂര്‍ണമായും അവഗണിച്ചതിലൂടെ അവരുടെ കര്‍ഷകസ്‌നേഹം കാപട്യമാണെന്ന് ബോധ്യപ്പെട്ടിരിക്കുകയാണെന്ന് അഡ്വ.സണ്ണി ജോസഫ് എം.എല്‍.എ. കര്‍ഷക ദിനത്തിന്റെ ഭാഗമായി കര്‍ഷക കോണ്‍ഗ്രസ്സ് കണ്ണൂര്‍ ജില്ലാ കമ്മിറ്റിയുടെ നേതൃത്വത്തില്‍ ഇരിട്ടിയില്‍ നടന്ന കര്‍ഷക കൂട്ടായ്മ ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. ജില്ലാ പ്രസിഡന്റ് കെ.സി വിജയന്‍, എ.ഡി സാബൂസ്, കെ.പി പ്രഭാകരന്‍, ചാക്കോ പാലക്കലോടി, പി.കെ ജനാര്‍ദ്ദനന്‍, തോമസ് വര്‍ഗീസ്, ബൈജു വര്‍ഗീസ്, പി.എ നസീര്‍, ജോസ് പൂമല സംസാരിച്ചു.