HOME
DETAILS

ഉക്രൈന് യുദ്ധടാങ്കറുകള്‍ നല്‍കുമെന്ന് സ്ഥിരീകരിച്ച് അമേരിക്ക; ഇത് റഷ്യക്കെതിരെയുള്ള നീക്കമല്ലെന്ന് ബൈഡന്‍

  
backup
January 26 2023 | 03:01 AM

helping-ukraine-defend-and-protect-ukrainian564

വാഷിങ്ടണ്‍: റഷ്യന്‍ അധിനിവേശത്തിനെതിരെ ഉക്രൈനെ സഹായിക്കുന്നതിനായി ഉക്രൈന് യുദ്ധടാങ്കറുകള്‍ നല്‍കുമെന്ന് സ്ഥിരീകരിച്ച് അമേരിക്ക. 31 എം1 എബ്രാംസ് ടാങ്കറുകളാണ് അമേരിക്ക കൈമാറുക. പ്രസിഡന്റ് ജോ ബൈഡനാണ് ഇക്കാര്യം അറിയിച്ചത്.

14 ലെപ്പാര്‍ഡ് 2എ6 ടാങ്കുകള്‍ അയക്കാന്‍ ജര്‍മ്മനി സമ്മതിച്ചതിന് പിന്നാലെയാണ് അമേരിക്കയുടെ തീരുമാനം. ഉക്രൈന്‍ സൈന്യം തങ്ങളുടെ അധീനതയിലുള്ള പ്രദേശം സംരക്ഷിക്കാന്‍ പ്രവര്‍ത്തിക്കുന്നുണ്ടെന്നും കൂടുതല്‍ തിരിച്ചടികള്‍ക്ക് തയ്യാറെടുക്കുകയാണെന്നും ബൈഡന്‍ പറഞ്ഞു. യുദ്ധഭൂമിയില്‍ ഈ ടാങ്കുകള്‍ ഫലപ്രദമായി പരിപാലിക്കുന്നതിനായി ആവശ്യമായ എല്ലാ ഉപകരണങ്ങളും ഉക്രൈന് നല്‍കുമെന്നും ബൈഡന്‍ വ്യക്തമാക്കി.

കഴിഞ്ഞ ഒരു വര്‍ഷമായി തുടരുന്ന റഷ്യയ -ഉന്‍്രൈ യുദ്ധം കൂടുതല്‍ അപകടകരമായ വഴിത്തിരിവില്‍ എത്തിയേക്കും. റഷ്യയുടെ എതിര്‍പ്പ് അവഗണിച്ച് ജര്‍മ്മനിക്കൊപ്പം അമേരിക്കയും തങ്ങളുടെ ആധുനിക ടാങ്കുകള്‍ യുക്രെയ്‌നിന് നല്‍കാന്‍ സമ്മതിച്ചിരിക്കുകയാണ്.



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."