റിയാദ്: മലബാറില്‍ നിന്നുള്ള പ്രവാസികള്‍ക്ക് ആശ്വാസമായി ഇന്‍ഡിഗോ വിമാന കമ്പനി നിര്‍ത്തിവെച്ചിരുന്ന സര്‍വീസുകള്‍ പുനഃരാരംഭിക്കുന്നു. ജിദ്ദ കോഴിക്കോട്, ദമ്മാം കോഴിക്കോട് നേരിട്ടുള്ള സര്‍വീസുകളാണ് പുനഃരാരംഭിക്കുന്നത്. വരുന്ന മാര്‍ച്ച് 26 മുതല്‍ ഇരു വിമാനത്താവളങ്ങളില്‍ നിന്നും സര്‍വിസുകള്‍ ആരംഭിക്കും.

ജിദ്ദ കോഴിക്കോട്, ദമ്മാം കോഴിക്കോട് വിമാനങ്ങളുടെ ടിക്കറ്റുകള്‍ കമ്പനിയുടെ വെബ്!സൈറ്റിലും ട്രാവല്‍ ഏജന്‍സികളിലും ഇതിനോടകം ലഭ്യമായിട്ടുണ്ട്. നേരത്തെ ഈ സെക്ടറുകളില്‍ സര്‍വീസ് നടത്തിയിരുന്ന ഇന്‍ഡിഗോ പിന്നീട് സര്‍വീസുകള്‍ നിര്‍ത്തിവെച്ചിരിക്കുകയായിരുന്നു.

ജിദ്ദയില്‍ നിന്നും എല്ലാ ദിവസവും രാത്രി 12.40 ന് പുറപ്പെടുന്ന വിമാനം രാവിലെ ഒമ്പതിന് കോഴിക്കോട്ടെത്തും. തിരിച്ച് രാത്രി 8.30ന് കോഴിക്കോട്ട് നിന്നും പുറപ്പെടുന്ന വിമാനം രാത്രി 11.30ന് ജിദ്ദയിലിറങ്ങും. ദമ്മാമില്‍ നിന്നും രാവിലെ 11.40നാണ് സര്‍വീസ്. വൈകീട്ട് 6.50ന് കോഴിക്കോട്ടെത്തും. കോഴിക്കോട്ദമ്മാം സര്‍വീസ് രാവിലെ 8.40 നാണ്. രാവിലെ 10.40 ന് ദമ്മാമിലിറങ്ങും.