ദിബ്രുഗഡ്: പതിനാലുകാരിയെ കൈകാലുകള്‍ കെട്ടിയിട്ട് കൂട്ട ബലാത്സംഗത്തിനിരയാക്കി. അസം ദിബ്രുഗഡിലാണ് ഈ ക്രൂര സംഭവം. സംഭവത്തില്‍ രണ്ടുപേര്‍ അറസ്റ്റിലായിട്ടുണ്ട്.

ഞായറാഴ്ച ദിബ്രുഗഡില്‍ പെണ്‍കുട്ടിയെ അബോധാവസ്ഥയില്‍ കണ്ടെത്തുകയായിരുന്നു.

ഭൈജന്‍ അലി, സഫര്‍ അലി എന്നിവരാണ് അറസ്റ്റിലായതെന്ന് ദിബ്രുഗഡ് എസ്.പി ശ്വേതങ്ക് മിശ്ര പറഞ്ഞു.

'14കാരിയെ കൂട്ട ബലാത്സംഗത്തിനിരയാക്കിയ സംഭവത്തില്‍ രണ്ടുപേരെ അറസ്റ്റ് ചെയ്തു. ദിബ്രുഗഡിലെ അതബരി തേയിലത്തോട്ടത്തിന് സമീപമാണ് പെണ്‍കുട്ടിയെ അബോധാവസ്ഥയില്‍ കണ്ടെത്തിയത്. പെണ്‍കുട്ടിയുടെ കൈകളും കാലുകളും കയറുകൊണ്ട് കെട്ടിയിട്ട നിലയിലായിരുന്നു. ഫെബ്രുവരി മൂന്നു മുതല്‍ പെണ്‍കുട്ടിയെ കാണാനില്ലായിരുന്നു' എസ്.പി വ്യക്തമാക്കി. പോക്‌സോ പ്രകാരം പ്രതികള്‍ക്കെതിരെ കേസ് രജിസ്റ്റര്‍ചെയ്തിട്ടുണ്ടെന്ന് പൊലിസ് പറഞ്ഞു.