തിരുവനന്തപുരം: സംസ്ഥാന സ്​പോർട്സ് കൗൺസിൽ പ്രസിഡന്റായി യു. ഷറഫലിയെ നിയമിച്ച് സർക്കാർ ഉത്തരവായി. മുൻ ഇന്ത്യൻ ഫുട്ബാൾ താരമാണ് യു. ഷറഫലി. മേഴ്സിക്കുട്ടൻ രാജിവെച്ച ഒഴിവിലാണ് നിയമനം. 2019ൽ ടി.പി ദാസന്റെ പിൻഗാമിയായാണ് മുൻ അത്‍ലറ്റ് കൂടിയായ മേഴ്സിക്കുട്ടൻ സ്പോർട്‌സ് കൗൺസിലിന്റെ തലപ്പത്തേക്ക് വരുന്നത്. അ​ടു​ത്ത​വ​ർ​ഷം ഏ​പ്രി​ല്‍ വ​രെ ഇവർക്ക് കാലാവധി ഉണ്ടായിരിക്കെയാണ് സർക്കാർ നിർദേശത്തെ തുടർന്ന് രാജിവെച്ചത്.

സ്​​പോ​ർ​ട്​​സ്​ കൗ​ൺ​സി​ലു​മാ​യി ബ​ന്ധ​പ്പെ​ട്ട​ ആ​ക്ഷേ​പ​ങ്ങളെ തുടർന്ന്, അധ്യക്ഷയായിരുന്ന മേഴ്സിക്കുട്ടനോടും സ്റ്റാ​ന്‍ഡി​ങ്​ ക​മ്മി​റ്റി അം​ഗ​ങ്ങ​ളോ​ടും രാ​ജി​വെ​ക്കാ​ൻ സർക്കാർ നിർദേശം നൽകിയിരുന്നു. സ്റ്റാന്‍ഡിങ് കമ്മിറ്റി അംഗങ്ങളായ വൈസ് പ്രസിഡന്റ് ഒ.കെ. വിനീഷ്, അംഗങ്ങളായ ഐ.എം. വിജയന്‍, ജോര്‍ജ് തോമസ്, റഫീഖ്, ഒളിമ്പിക് അസോസിയേഷന്‍ പ്രതിനിധികളായ വി. സുനില്‍കുമാര്‍, എസ്. രാജീവ്, എം.ആര്‍. രഞ്ജിത് എന്നിവരും രാജിവെച്ചിട്ടുണ്ട്.

കോ​വി​ഡി​ന്​ ശേ​ഷം കൗ​ൺ​സി​ലി​ന്‍റെ നേ​തൃ​ത്വ​ത്തി​ൽ പ്ര​ധാ​ന കാ​യി​കമേ​ള സം​ഘ​ടി​പ്പി​ച്ചി​ല്ലെ​ന്നും ഫ​ണ്ടു​ക​ളു​ടെ വി​നി​യോ​ഗ​ത്തി​ൽ പ്രശ്നങ്ങളുണ്ടെന്നും ആ​ക്ഷേ​പം ഉ​യ​ർ​ന്നി​രുന്നു.