തൃശൂർ: നിയമസഭാ തിരഞ്ഞെടുപ്പിൽ കേന്ദ്രമന്ത്രി സുരേഷ് ഗോപിക്ക് വോട്ട് ഗുരുവായൂരിൽ. ഗുരുവായൂർ ദേവസ്വം ഇംഗ്ലീഷ് മീഡിയം സ്കൂളിലാണ് സുരേഷ് ​ഗോപിക്ക് വോട്ട്. 697 നമ്പർ വോട്ടാറായാണ് ചേർത്തിരിക്കുന്നത്. 

അതേസമയം, ഓരോ തിരഞ്ഞെടുപ്പ് സമയത്തും പലയിടങ്ങളിൽ വോട്ട് ചേർക്കുന്ന സുരേഷ് ഗോപിയെ കോൺഗ്രസ് നേതാവ് അനിൽ അക്കര പരിഹസിച്ചു. മന്ത്രിയെ 'കുമ്പിടി'യോടാണ് അനിൽ അക്കര ഉപമിച്ചത്.

2024-ലെ ലോക്‌സഭാ തിരഞ്ഞെടുപ്പിൽ തൃശൂർ കോർപ്പറേഷനിലെ നെട്ടിശ്ശേരിയിലായിരുന്നു സുരേഷ് ഗോപിയും കുടുംബവും വോട്ട് ചെയ്തത്. എന്നാൽ പിന്നീട് നടന്ന തദ്ദേശ തിരഞ്ഞെടുപ്പിൽ ഇവർ വോട്ട് രേഖപ്പെടുത്തിയത് തിരുവനന്തപുരം കോർപ്പറേഷനിലെ ശാസ്തമംഗലം ഡിവിഷനിലായിരുന്നു.

ALSO READ: വയനാട് ടൗൺഷിപ്പ്: ഫെബ്രുവരി 25-ന് നടക്കേണ്ട ഉദ്ഘാടനം മാറ്റി; മാർച്ച് 1-ന് ജനങ്ങൾക്ക് തുറന്നുനൽകും

അനിൽ അക്കരയുടെ ഫേസ്ബുക്ക് പോസ്റ്റിന്റെ പൂർണ രൂപം

കുമ്പടിക്ക് ഈ നിയമസഭാ തിരഞ്ഞെടുപ്പിൽ വോട്ട് ഗുരുവായൂരിൽ. രണ്ട് മാസം മുമ്പാണ് ഇദ്ദേഹം കോർപ്പറേഷൻ തിരഞ്ഞെടുപ്പിൽ തിരുവനന്തപുരത്ത് വോട്ട് ചെയ്തത്.

ഒരുവർഷം മുമ്പാണ് ഇദ്ദേഹം തൃശ്ശൂരിൽ ലോകസഭ തിരഞ്ഞെടുപ്പിൽ വോട്ട് രേഖപ്പെടുത്തിയത്. ഇത്തവണ കുടുംബസമേതമല്ല, ഒറ്റക്കാണ്. സമ്മതിക്കണം ഇദ്ദേഹത്തിനെ.