ടി20 ലോകകപ്പ് സൂപ്പർ 8 പോരാട്ടത്തിൽ ദക്ഷിണാഫ്രിക്കക്കെതിരെ ഇന്ത്യ 76 റൺസിന്റെ കനത്ത തോൽവിയാണ് ഏറ്റുവാങ്ങിയത്. 188 റൺസ് പിന്തുടർന്ന് ഇറങ്ങിയ ഇന്ത്യക്ക് 10 വിക്കറ്റ് നഷ്ടത്തിൽ 111 റൺസ് എടുക്കാനേ കഴിഞ്ഞുള്ളു. ഈ തോൽവിക്ക് പിന്നാലെ ഇന്ത്യൻ ടീമിൽ വരുത്തേണ്ട നിര്ണായകമായൊരു മാറ്റം എന്താണെന്ന് നിർദേശിച്ചിരിക്കുകയാണ് മുൻ ഇന്ത്യൻ ഓൾ റൗണ്ടർ ഇർഫാൻ പത്താൻ. 

വൈസ് ക്യാപ്റ്റൻ അക്‌സർ പട്ടേലിനെ ടീമിൽ ഉൾപ്പെടുത്തണമെന്നാണ് പത്താൻ ആവശ്യപ്പെടുന്നത്. അക്‌സർ വളരെയധികം പരിചയ സമ്പത്തുള്ള താരമാണെന്നും ടീമിൽ സ്ഥാനം അർഹിക്കുന്നുണ്ടെന്നും ഇർഫാൻ പത്താൻ വ്യക്തമാക്കി. 

''അക്‌സർ പട്ടേൽ കളിക്കണം. അവൻ വളരെ പരിചയ സമ്പന്നനായ താരമാണ്. ഇടം കയ്യൻ ബാറ്റർമാർക്കെതിരെ മികച്ച രീതിയിൽ ബൗൾ ചെയ്യാൻ അവന് കഴിവുണ്ട്. അതിനാൽ അവൻ കളിക്കണം. അക്‌സർ അടുത്ത മത്സരത്തിൽ കളിക്കുമെന്ന് ഞാൻ വിശ്വസിക്കുന്നു. അദ്ദേഹം ടീമിന്റെ വൈസ് ക്യാപ്റ്റനാണ്. എന്നിട്ടും അദ്ദേഹത്തെ ടീമിൽ നിന്നും ഒഴിവാക്കി. എന്റെ അഭിപ്രായത്തിൽ തീർച്ചയായും അവനെ പ്ലെയിങ് ഇലവനിൽ കൊണ്ടുവരണം'' ഇർഫാൻ പത്താൻ പറഞ്ഞു. 

ഈ വമ്പൻ തോൽവിയോടെ ഇന്ത്യയുടെ സെമി ഫൈനൽ പ്രതീക്ഷകൾക്കും തിരിച്ചടിയേറ്റിരിക്കുകയാണ്. ഇനിയുള്ള രണ്ട് മത്സരങ്ങൾ ഇന്ത്യക്ക് അതിനിർണായകമാണ്. സിംബാബ്വേക്കെതിരെയും വെസ്റ്റ് ഇൻഡീസിനെതിരെയുമാണ് ഇന്ത്യയുടെ ഇനിയുള്ള മത്സരങ്ങൾ. 

India suffered a heavy defeat by 76 runs against South Africa in the T20 World Cup Super 8 match. Chasing 188 runs, India could only score 111 runs for the loss of 10 wickets. Following this defeat, former Indian all-rounder Irfan Pathan has suggested a crucial change that should be made in the Indian team. Pathan has demanded that vice-captain Axar Patel be included in the team. Irfan Pathan stated that Axar is a very experienced player and deserves a place in the team.