കറാച്ചി: ന്യൂസിലന്‍ഡിനെതിരെ സ്വന്തം നാട്ടില്‍ നടക്കുന്ന ടി20 പരമ്പരക്കുള്ള പാകിസ്താന്‍ ക്രിക്കറ്റ് ടീമിനെ പ്രഖ്യാപിച്ചു. ബാബര്‍ നയിക്കുന്ന ടീമിലേക്ക് മുഹമ്മദ് ആമിറും ഇമാദ് വാസിമും തിരിച്ചെത്തിയിട്ടുണ്ട്. ഇരുവരും വിരമിക്കല്‍ തീരുമാനം പിന്‍വലിച്ചാണ് വീണ്ടും ദേശീയ ടീമിനായി കളിക്കാനെത്തുന്നത്.

2020 ല്‍ വിരമിക്കല്‍ പ്രഖ്യാപിച്ച അമീര്‍ മൂന്നു വര്‍ഷങ്ങള്‍ക്കു ശേഷമാണ് രാജ്യാന്തര ക്രിക്കറ്റിലേക്ക് മടങ്ങി വരുന്നത്. ഈ വര്‍ഷം ജൂണില്‍ വെസ്റ്റിന്റീസിലും അമേരിക്കയിലുമായി നടക്കുന്ന ട്വന്റി 20 വേള്‍ഡ് കപ്പിനു മുന്നോടിയായാണ്അമീര്‍ തന്റെ വിരമിക്കല്‍ തീരുമാനം റദ്ദുചെയ്തത്. ടീം സെലക്ഷനു മുന്‍പുതന്നെ അമീര്‍ തീരുമാനം പാകിസ്ഥാന്‍ ക്രിക്കറ്റ് ബോര്‍ഡിനെ അറിയിച്ചിരുന്നു.അതേസമയം ഉസ്മാന്‍ ഖാന് പാകിസ്ഥാന്‍ ദേശീയ ടീമിലേക്ക് ആദ്യമായാണ് ക്ഷണം ലഭിക്കുന്നത്. 

പാക്കിസ്ഥാന്‍ ടീം: ബാബര്‍ അസം (ക്യാപ്റ്റന്‍), അബ്‌റാര്‍ അഹ്മദ്, അസം ഖാന്‍, ഫകര്‍ സമാന്‍, ഇഫ്തികാര്‍ അഹ്മദ്, ഇമാദ് വാസിം, മുഹമ്മദ് അബ്ബാസ് അഫ്രീദി, മുഹമ്മദ് റിസ്വാന്‍, മുഹമ്മദ് ആമിര്‍, മുഹമ്മദ് ഇര്‍ഫാന്‍ ഖാന്‍, നസീം ഷ, സയിം അയ്യൂബ്, ഷബാദ് ഖാന്‍, ഷഹീന്‍ഷ അഫ്രീദി, ഉസ്മാന്‍ മിര്‍, ഉസ്മാന്‍ ഖാന്‍, സമന്‍ ഖാന്‍.