അബൂദബി: ലോകാരോഗ്യ സംഘടനയുമായി കൈകോര്‍ത്ത് ഗസ്സയില്‍ നിന്ന് 210 രോഗികളെ കൂടി യുഎഇയിലെത്തിച്ചു. ഇസ്‌റാഈല്‍ ആക്രമണത്തില്‍ ഗുരുതരമായി പരിക്കേറ്റ 86 പേരും ഇതില്‍ ഉള്‍പ്പെടുന്നു. 

അബൂദബി വിമാനത്താവളത്തില്‍ ഇറങ്ങിയ രോഗികളെ വിദഗ്ധ ചികിത്സക്കായി ആശുപത്രികളിലേക്ക് മാറ്റി. ഗസ്സയില്‍ നിന്നെത്തുന്ന 22ാമത്തെ സംഘമാണ് കഴിഞ്ഞ ദിവസം അബൂദബി വിമാനത്താവളത്തില്‍ എത്തിയത്. യുദ്ധത്തില്‍ പരിക്കേറ്റ ആയിരത്തിലേറെ കുട്ടികളും 1000 അര്‍ബുദ ബാധിതരും യുഎഇയിലെ വിവിധ ആശുപത്രികളില്‍ ചികിത്സയിലാണ്.

യുഎ.ഇ പ്രസിഡന്റ് ശൈഖ് മുഹമ്മദ് ബിന്‍ സായിദ് ആല്‍ നഹ്‌യാന്‍ ഗസ്സയില്‍ യുദ്ധത്തില്‍ പരിക്കേറ്റവരെയും അര്‍ബുദ ബാധിതര്‍ ഉള്‍പ്പെടെയുള്ള രോഗികളേയും സഹായിക്കുന്നതിനായി പ്രഖ്യാപിച്ച സംരംഭത്തിന്റെ ഭാഗമായാണ് മാനുഷിക പ്രവര്‍ത്തനങ്ങള്‍ പുരോഗമിക്കുന്നത്. രോഗികളും കുടുംബങ്ങളും അടക്കം ഇതുവരെ 2127 പേരെയാണ് യുഎഇ യിലെത്തിച്ചത്.

കൂടൂതൽ ​ഗൾഫ് വാർത്തകളറിയാൻ ഈ ഗ്രൂപ്പിൽ ജോയിൻ ചെയ്യുക

The United Arab Emirates has successfully evacuated 210 more patients from Gaza, continuing its humanitarian efforts to provide medical assistance to those in need.