അബൂദബി: അബൂദബിയില്‍ തിരക്കേറിയ റോഡില്‍ ഡ്രൈവറുടെ അശ്രദ്ധ മൂലം കൂട്ടിയിടിച്ചത് ഏഴ് വാഹനങ്ങള്‍. അബൂദബി പൊലിസ് സമൂഹ മാധ്യമത്തില്‍ ഇതിന്റെ വീഡിയോ പങ്കുവെച്ചു. ഡ്രൈവിങിനിടെ ശ്രദ്ധ തിരിക്കുന്ന പ്രവര്‍ത്തനങ്ങളില്‍ ഏര്‍പ്പെടരുതെന്ന് വാഹനമോടിക്കുന്നവര്‍ക്ക് പൊലിസ് മുന്നറിയിപ്പ് നല്‍കി. 

33 സെക്കന്‍ഡ് ദൈര്‍ഘ്യമുള്ള വീഡിയോയാണ് പൊലിസ് പങ്കുവെച്ചത്. വീഡിയോയില്‍ ഒരു വെള്ള നിറത്തിലുള്ള വാന്‍ വാഹനങ്ങളുടെ നിരയില്‍ പിന്നിലെ വാഹനത്തില്‍ ഇടിക്കുന്നത് കാണാം. ഇതോടെ ഈ ലെയിനിലെ ഏഴ് വാഹനങ്ങള്‍ തമ്മിലാണ് കൂട്ടിയിടിച്ചത്. ഒരു വശത്തുള്ള മോട്ടോര്‍ സൈക്കിളിലും വാഹനം ഇടിച്ചു. വാഹനമോടിക്കുമ്പോള്‍ ഡ്രൈവര്‍മാര്‍ മൊബൈല്‍ ഫോണ്‍ ഉപയോഗിക്കരുതെന്ന് അറിയിച്ച അധികൃതര്‍ അശ്രദ്ധയോടെ വാഹനമോടിക്കുന്നത് 800 ദിര്‍ഹം വരെ പിഴയും നാല് ബ്ലാക്ക് പോയിന്റുകളും ശിക്ഷ ലഭിക്കാവുന്ന കുറ്റമാണെന്നും വ്യക്തമാക്കി.

കൂടൂതൽ ​ഗൾഫ് വാർത്തകളറിയാൻ ഈ ഗ്രൂപ്പിൽ ജോയിൻ ചെയ്യുക

Abu Dhabi Police have shared a video showcasing a driver's inattention causing a vehicle collision, highlighting the importance of road safety and responsible driving.