മുംബൈ: ഇന്ത്യന്‍ നാവികസേനയുടെ അഡ്വാന്‍സ്ഡ് ലൈറ്റ് ഹെലികോപ്റ്റര്‍ സാങ്കേതിക തകരാറിനെതുടര്‍ന്ന് മുംബൈ തീരത്ത് കടലില്‍ അടിയന്തരമായി ഇറക്കി. ബുധനാഴ്ചയായിരുന്നു സംഭവം. പതിവ് പരിശോധനയ്ക്കിടെയായിരുന്നു അടിയന്തരമായി നിലത്തിറക്കേണ്ടുന്ന സാഹചര്യമുണ്ടായത്.

ഹെലിക്കോപ്റ്ററിലുള്ള മൂന്ന് പേരെയും രക്ഷപ്പെടുത്തിയതായി നാവികസേന അറിയിച്ചു. അന്വേഷണത്തിന് ഉത്തരവിട്ടതായി നാവികസേന വ്യക്തമാക്കി.