തിരുവനന്തപുരം: എസ്.എഫ്.ഐ - കെ.എസ്.യു സംഘർഷത്തിൽ നാല് വിദ്യാർഥികൾക്ക് പരിക്കേറ്റു. തിരുവനന്തപുരം ലോ കോളേജിലാണ് സിപിഎം - കോൺഗ്രസ് വിദ്യാർത്ഥി സംഘടനകളിലെ പ്രവർത്തകർ തമ്മിൽ സംഘർഷമുണ്ടായത്. യൂണിയൻ തെരഞ്ഞെടുപ്പിന്റെ തയ്യാറെടുപ്പുകൾക്കിടെയാണ് സംഘർഷം.

ഇന്ന് വൈകിട്ടോടുകൂടിയാണ് സംഘർഷമുണ്ടായത്. കൊടിതോരണങ്ങൾ കെട്ടുന്നതുമായി ബന്ധപ്പെട്ട് തർക്കം പിന്നീട് വലിയ സംഘർഷത്തിലേക്ക് പോവുകയായിരുന്നു. കഴിഞ്ഞ കുറേ ദിവസങ്ങളായി യൂണിയൻ തെരഞ്ഞെടുപ്പുമായി ബന്ധപ്പെട്ട് വാക്കുതർക്കം നിലനിന്നിരുന്നു. തുടർന്ന് ഇന്ന് വൈകിട്ട് ഇരുവിഭാഗങ്ങളും പരസ്യമായി ഏറ്റുമുട്ടുകയായിരുന്നു.

ഇരുവിഭാഗത്തിലേയും വനിതാ പ്രവർത്തകരടക്കം നാലു വിദ്യാർത്ഥികൾക്ക് പരിക്കേറ്റു. ഇവരെ തിരുവനന്തപുരം ജനറൽ ആശുപത്രിയിൽ പ്രവേശിപ്പിച്ചു. പൊലിസെത്തിയാണ് രംഗം ശാന്തമാക്കിയത്.