മ​സ്ക​ത്ത്​: ലോകത്തെ മികച്ച വിമാനത്താവളങ്ങളുടെ പട്ടിക പ്രഖ്യാപിച്ചപ്പോൾ ലോകത്തിന്റെ നെറുകയിൽ എത്തി ഖത്തറിലെ ദോ​ഹ ഹമദ് വിമാനത്താവളം. സ്കൈ​ട്രാ​ക്സി​ന്റെ വേ​ൾ​ഡ് എ​യ​ർ​പോ​ർ​ട്ട് പുരസ്‌കാരമാണ് പ്രഖ്യാപിച്ചത്. നെ​ത​ർ​ല​ൻ​ഡ്സി​ലെ ആം​സ്റ്റ​ർ​ഡാ​മി​ൽ ന​ട​ന്ന പാ​സ​ഞ്ച​ർ ടെ​ർ​മി​ന​ൽ എ​ക്സ്​​പോ​യി​ലാ​ണ് സ്കൈ​ട്രാ​ക്സ് വേ​ൾ​ഡ് എ​യ​ർ​പോ​ർ​ട്ട് അ​വാ​ർ​ഡ് 2023 പു​ര​സ്കാ​ര​ങ്ങ​ൾ പ്ര​ഖ്യാ​പി​ച്ച​ത്.

ലോ​ക​ത്തെ ഏ​റ്റ​വും മി​ക​ച്ച വി​മാ​ന​ത്താ​വ​ള​ങ്ങ​ളു​ടെ പ​ട്ടി​ക​യി​ൽ ര​ണ്ടാം സ്ഥാ​ന​വും മി​ഡി​ലീ​സ്റ്റി​ലെ ഏ​റ്റ​വും മി​ക​ച്ച വി​മാ​ന​ത്താ​വ​ള​വു​മാ​യി ഹ​മ​ദി​നെ തി​ര​ഞ്ഞെ​ടു​ത്തു. ഏ​റ്റ​വും മി​ക​ച്ച എ​യ​ർ​പോ​ർ​ട്ട് ഷോ​പ്പി​ങ്, മി​ഡി​ലീ​സ്റ്റി​ലെ ഏ​റ്റ​വും മി​ക​ച്ച വി​മാ​ന​ത്താ​വ​ളം പു​ര​സ്കാ​ര​ങ്ങ​ളും ഹ​മ​ദ്​ സ്വ​ന്ത​മാ​ക്കി​യി​ട്ടു​ണ്ട്.

ഖത്തർ ലോകകപ്പാണ് ഹമദിനെ ലോകത്തിന്റെ നെറുകയിൽ എത്തിച്ചത്. അതേസമയം, 2023ലെ ​സ്‌​കൈ​ട്രാ​ക്‌​സി​ന്റെ എ​യ​ർ​പോ​ർ​ട്ട് റാ​ങ്കി​ങ്​ പ്ര​കാ​രം ആദ്യ അമ്പതിൽ ഇടം പിടിച്ച് മ​സ്ക​ത്ത്​ ഇ​ന്റ​ർ​നാ​ഷ​ന​ൽ എ​യ​ർ​പോ​ർ​ട്ടും നേട്ടമുണ്ടാക്കി. 42ാം സ്ഥാ​ന​ത്താണ് മ​സ്ക​ത്ത്​ ഇ​ന്റ​ർ​നാ​ഷ​ന​ൽ എ​യ​ർ​പോ​ർ​ട്ട്.

യാ​ത്ര​ക്കാ​രു​ടെ​യും വി​ദ​ഗ്ധ​രു​ടെ​യും റി​പ്പോ​ർ​ട്ടു​ക​ളു​ടെ​യും വോ​ട്ടി​​ന്റെ​യും അ​ടി​സ്ഥാ​ന​ത്തി​ലാ​ണ് സേ​വ​നം, സു​ര​ക്ഷി​ത​ത്വം, സാ​​ങ്കേ​തി​ക മി​ക​വ് ഉ​ൾ​പ്പെ​ടെ വി​വി​ധ മാ​ന​ദ​ണ്ഡ​ങ്ങ​ൾ ക​ണ​ക്കാ​ക്കി പു​ര​സ്കാ​ര​ജേ​താ​ക്ക​ളെ പ്ര​ഖ്യാ​പി​ക്കു​ന്ന​ത്

​സിം​ഗ​പ്പൂ​രി​ലെ ചാം​ഗി എ​യ​ർ​പോ​ർ​ട്ടാ​ണ് ഒ​ന്നാം സ്ഥാ​നം നേ​ടി​യ​ത്. ദോ​ഹ ഹമദ് വിമാനത്താവളം രണ്ടാം സ്ഥാനത്തും ജ​പ്പാ​നി​ലെ ടോ​ക്യോ ഹ​നേ​ഡ മൂ​ന്നും ദ​ക്ഷി​ണ കൊ​റി​യ​യി​ലെ സോ​ൾ ഇ​ഞ്ചി​യോ​ൺ വി​മാ​ന​ത്താ​വ​ളം നാ​ലാം സ്ഥാനവും കരസ്ഥമാക്കി.