ഗസ്സ സിറ്റി: കഴിഞ്ഞ ഒരാഴ്ചയുണ്ടായ ഇസ്‌റാഈല്‍ ആക്രമണത്തില്‍ ഗസ്സയില്‍ വീടും കുടിയും നഷ്ടപ്പെട്ട് പെരുവഴിയിലായത് 52,000 ഫലസ്തീനികള്‍. 450 കെട്ടിടങ്ങള്‍ പൂര്‍ണമായും തകര്‍ത്തു. വന്‍ നാശനഷ്ടങ്ങളാണ് ഇക്കാലയളവില്‍ ഇസ്‌റാഈല്‍ ആക്രമണത്തിലുണ്ടായത്.

മെയ് 10ന് തുടങ്ങിയ ആക്രമണത്തില്‍ ഇതുവരെ 212 ഫലസ്തീനികള്‍ കൊല്ലപ്പെട്ടു. ഇതില്‍ 61 പേരും കുട്ടികളാണ്. 1500 ല്‍ അധികം ഫലസ്തീനികള്‍ക്ക് പരുക്കേറ്റു.

അതേസമയം, ഹമാസിന്റെ തിരിച്ചടിയില്‍ ഇസ്‌റാഈലില്‍ പത്തു പേരാണ് കൊല്ലപ്പെട്ടത്. മൂന്നൂറോളം പേര്‍ക്ക് പരുക്കേറ്റു.