മലപ്പുറം: വിദ്യാര്‍ത്ഥിനികളെ ലൈംഗികമായി പീഡിപ്പിച്ച അധ്യാപകനും, സി.പി.എം നഗരസഭാംഗവുമായ കെ.വി ശശികുമാറിനെ അറസ്റ്റു ചെയ്യണമെന്നാവശ്യപ്പെട്ട് പരാതികള്‍ ലഭിച്ചിട്ടും പ്രതിയെ സംരക്ഷിച്ച സ്ഥാപന മേധാവികള്‍ക്കെതിരെ കേസെടുക്കണമെന്നും ആവശ്യപ്പെട്ടുകൊണ്ട് ഫ്രറ്റേണിറ്റി മലപ്പുറം ജില്ലാ കമ്മിറ്റി സെന്റ് ജെമ്മാസ് സ്‌കൂളിലേക്ക് പ്രതിഷേധ മാര്‍ച്ച് സംഘടിപ്പിച്ചു.

ശശികുമാര്‍ അദ്ധ്യാപകനായിരുന്ന ജില്ലയിലെ എയ്ഡഡ് സ്‌കൂളിലെ പൂര്‍വ വിദ്യാര്‍ത്ഥിനികളാണ് പരാതി നല്‍കിയത്. ആരോപണത്തിന് പിന്നാലെ ഇദ്ദേഹം നഗരസഭാ അംഗത്വം രാജിവക്കുകയും ചെയ്തിരുന്നു.

ഫ്രറ്റേണറ്റി മലപ്പുറം ജില്ലാ വൈസ് പ്രസിഡന്റ് സഫ്‌വാന്‍ തിരൂര്‍ മുഖ്യ പ്രഭാഷണം നടത്തി, ജില്ലാ കമ്മിറ്റി അംഗവും പൂര്‍വ്വ വിദ്യാര്‍ത്ഥിയുമായ സാജിദ വടക്കാങ്ങര, ജില്ലാ സെക്രട്ടേറിയറ്റ് അംഗം ഹാദിക്ക് എന്‍.കെ സംസാരിച്ചു.