കോഴിക്കോട്
നടിയും മോഡലുമായ ഷഹാനയുടെ മരണത്തിൽ ഭർത്താവ് സജാദിനെ റിമാൻഡ് ചെയ്തു. ആത്മഹത്യ പ്രേരണാകുറ്റം, ഗാർഹിക പീഡനം എന്നീ വകുപ്പുകൾ ചുമത്തി അറസ്റ്റിലായ സജ്ജാദിനെ മെഡിക്കൽ കോളജ് ആശുപത്രിയിൽ വൈദ്യപരിശോധന നടത്തിയ ശേഷമാണ് കോടതിയിൽ ഹാജരാക്കിയത്.
ഇന്നലെ രാവിലെ പറമ്പിൽ ബസാറിലെ വാടക വീട്ടിലെത്തിച്ച് തെളിവെടുപ്പ് നടത്തി. പത്ത് മിനുട്ട് മാത്രമാണ് സജാദുമായി അന്വേഷണ സംഘം വാടക വീട്ടിൽ തെളിവെടുപ്പ് നടത്തിയത്. സജാദ് ലഹരി വിൽപ്പന സംഘത്തിലെ കണ്ണിയാണെന്നാണ് പൊലിസിന്റെ കണ്ടെത്തൽ. ഓൺലൈൻ ഭക്ഷണവിതരണത്തിനിടെ സജാദ് കഞ്ചാവ് വിൽപനയും നടത്തിയതായി അന്വേഷണ സംഘത്തിന് വിവരം ലഭിച്ചിട്ടുണ്ട്.
ഇയാളുടെ വാടക വീട്ടിൽ നിന്ന് ലഹരി മരുന്ന് കണ്ടെത്തിയിട്ടില്ല. എന്നാൽ ലഹരി മരുന്ന് ഉപയോഗിക്കുന്നതിനായുള്ള ഉപകരണങ്ങൾ കണ്ടെത്തിയതായി പൊലിസ് അറിയിച്ചു.