കൊച്ചി: കെ സുധാകരനെതിരെ നടത്തിയ പരാമര്‍ശത്തില്‍ സി.പി.എം നേതാവ് എം.വി ജയരാജനെതിരെ യൂത്ത് കോണ്‍ഗ്രസ്സ് പരാതി നല്‍കി. കെ സുധാകരന്‍ എംപിയെ പട്ടിയുടെ വാലിനോട് ഉപമിച്ചുവെന്നാണ് പരാതിയില്‍ ഉന്നയിച്ചിരിക്കുന്നത്.

എം.വി ജയരാജന്റെ പ്രസ്താവന സമൂഹത്തില്‍ കലാപം സൃഷ്ടിക്കാനാണെന്നും പരാതിക്കാര്‍ കുറ്റപ്പെടുത്തി. അതേസമയം, മുഖ്യമന്ത്രി പിണറായി വിജയനെതിരെ അധിക്ഷേപകരമായ പരാമര്‍ശം നടത്തിയെന്ന പരാതിയില്‍ കെ.പി.സി.സി പ്രസിഡന്റ് കെ സുധാകരനെതിരെ കേസെടുത്തിരുന്നു. ഡിവൈഎഫ്‌ഐ പ്രാദേശിക നേതാവായ വിനു വിന്‍സന്റിന്റെ പരാതിയില്‍ പാലാരിവട്ടം പൊലീസാണ് കേസെടുത്തത്. ഐപിസി 153 വകുപ്പ് പ്രകാരമാണ് കേസ്.