കൊച്ചി: തൃക്കാക്കരയിലെ ഇടത് സ്ഥാനാര്‍ഥി ജോ ജോസഫിന്റെ വ്യാജ വീഡിയോ പ്രചരിപ്പിച്ച കേസില്‍ ഒരാള്‍ കസ്റ്റഡിയില്‍. പാലക്കാട് കൊഴിഞ്ഞമ്പാറ സ്വദേശി ടി.കെ ഷുക്കൂര്‍ ആണ് കസ്റ്റഡിയിലുള്ളത്.

വ്യാഴാഴ്ച 12.30ന് തൃക്കാക്കര പൊലീസാണ് പുതിയ റോഡിലെ വസതിയില്‍നിന്ന് ഷുക്കൂറിനെ കസ്റ്റഡിയിലെടുത്തത്. ഇന്ന് ഉച്ചയോടെ അറസ്റ്റ് രേഖപ്പെടുത്തുമെന്നാണ് സൂചന. യൂത്ത് കോണ്‍ഗ്രസ് മുന്‍ മണ്ഡലം ഭാരവാഹിയും കെ.ടി.ഡി.സി ജീവനക്കാനുമാണിയാള്‍.

അതേസമയം വ്യക്തിഹത്യയെ ഒരിക്കലും അനുകൂലിക്കുന്നില്ലെന്ന് യു.ഡി.എഫ് സ്ഥാനാര്‍ഥി ഉമാ തോമസ് പറഞ്ഞു. കോണ്‍ഗ്രസ് നേതൃത്വത്തിന് ഇതില്‍ ഒരു പങ്കുമില്ലെന്നും അവര്‍ പറഞ്ഞു.