ന്യൂഡല്‍ഹി: സര്‍ക്കാര്‍ നിരോധിച്ച വെബ്‌സൈറ്റുകള്‍ സന്ദര്‍ശിച്ചാല്‍ ഇനി നിങ്ങള്‍ക്ക് തടവുശിക്ഷയായിരിക്കും ലഭിക്കുക, കൂടെ പിഴയും.

നിരോധിക്കപ്പെട്ട സൈറ്റുകളില്‍ കയറിയാല്‍ മൂന്ന് കൊല്ലത്തെ ജയില്‍വാസവും മൂന്ന് ലക്ഷം പിഴയുമാണ് ലഭിക്കുക. നേരത്തെ നിയമവിരുദ്ധ പകര്‍പ്പവകാശം ലംഘിച്ച വിവിധ സൈറ്റുകള്‍ ടെലികമ്മ്യൂണിക്കേഷന്‍ വിഭാഗം ബ്ലോക് ചെയ്തിരുന്നെങ്കിലും അതിന്റെ പുതിയ പകര്‍പ്പവകാശം വീണ്ടും പ്രത്യക്ഷപ്പെട്ടിരുന്നു. ഈ സാഹചര്യത്തിലാണ് സര്‍ക്കാരിന്റെ പുതിയ നടപടി.

2003ല്‍ സ്ഥാപിതമായതും ലോകത്തെ ഏറ്റവും പ്രചാരമുള്ള ടോറന്റ് സൈറ്റുകളിലൊന്നായ ടോറന്റ്‌സ് ഇ.യുവിന് പ്രതിദിനം 10 ലക്ഷത്തിലേറെ സന്ദര്‍ശകരാണുള്ളത്. അതേസമയം ചില ടൊറന്റ്് സൈറ്റുകള്‍ നിരോധത്തിന്റെ പരിധിയില്‍ വന്നിട്ടില്ല.

1957ലെ കോപ്പിറൈറ്റ് ആക്ട് പ്രകാരമാണ് കേസെടുക്കുക. ആദ്യമായി സൈറ്റില്‍ പ്രവേശിക്കുന്നവര്‍ക്ക് കോപ്പീ റൈറ്റ് ലംഘന പ്രകാരം ആറു മാസം മുതല്‍ മൂന്ന് വര്‍ഷം വരെ തടവും 50,000 രൂപവരെ പിഴയും ലഭിക്കും. വീണ്ടും കുറ്റം ആവര്‍ത്തിച്ചാല്‍ ഒരു വര്‍ഷം മുതല്‍ മൂന്ന് വര്‍ഷം വരെ തടവും ഒരു ലക്ഷം മുതല്‍ മൂന്ന് ലക്ഷം രൂപ വരെ പിഴയുമാണ് ഈടാക്കുക.