പത്തനംതിട്ട: കേരളാ കോണ്‍ഗ്രസ് (ബി) സംസ്ഥാന ക്യാംപ് 26, 27 തീയതികളില്‍ ചരല്‍ക്കുന്നില്‍ നടക്കും. പാര്‍ട്ടി ചെയര്‍മാന്‍ ആര്‍. ബാലകൃഷ്ണ പിള്ള ഉദ്ഘാടനം ചെയ്യും.

വൈസ് ചെയര്‍മാന്‍ കെ.ബി ഗണേഷ്‌കുമാര്‍ എം.എല്‍.എ അധ്യക്ഷത വഹിക്കും. കേരളാ കോണ്‍ഗ്രസ് (സ്‌കറിയാ) വിഭാഗം ചെയര്‍മാന്‍ സ്‌കറിയാ തോമസ് മുഖ്യപ്രഭാഷണം നടത്തും. ജനാധിപത്യ കേരളാ കോണ്‍ഗ്രസ് നേതാവ് ഡോ. കെ.സി ജോസഫ്, അഡ്വ. പോള്‍ ജോസഫ്, നജീം പാലക്കണ്ടി, മധു എണ്ണക്കാട് തുടങ്ങിയവര്‍ പ്രസംഗിക്കും. തുടര്‍ന്ന് നടക്കുന്ന സെമിനാര്‍ എന്‍.സി.പി സംസ്ഥാന പ്രസിഡന്റ് ഉഴവൂര്‍ വിജയന്‍ ഉദ്ഘാടനം ചെയ്യും. 27 ന് രാവിലെ ഒന്‍പതിന് ജില്ലാ നേതാക്കള്‍ പങ്കെടുക്കുന്ന സംഘടനാ ചര്‍ച്ച നടക്കും.