മീനങ്ങാടി: ചാറ്റല്‍ മഴ പെയ്താല്‍ പോലും കൃഷ്ണഗിരി വില്ലേജ് റോഡ് തോടാകും. വെള്ളം ഒഴുകി പോകാന്‍ ഡ്രൈനേജ് സംവിധാനമില്ലാത്തതാണ് റോഡില്‍ വെള്ളക്കെട്ട് രൂക്ഷമാക്കുന്നത്. വെള്ളക്കെട്ടിന് പുറമേ പലയിടങ്ങളിലും റോഡ് തകര്‍ന്നിട്ടുമുണ്ട്.
 സമീപത്തെ ക്വാറികളിലേക്കും ക്രഷറിലേക്കും വാഹനങ്ങളെത്തുമ്പോള്‍ നനയാതെ പോകുക എന്നത് ഏറെ സാഹസമാണ്. ടിപ്പര്‍ ലോറികളും റോഡിലെ വെള്ളക്കെട്ടും വിദ്യാര്‍ഥികളുള്‍പ്പടെയുള്ള വഴിയാത്രക്കാരെ ദുരിതത്തിലാക്കിയിരിക്കുകയാണ്.
വീതികുറഞ്ഞ റോഡിലൂടെ അമിത വേഗതയില്‍ ലോഡുമായി പോകുന്ന വാഹനങ്ങള്‍ റോഡ് തകര്‍ക്കുന്നെന്നാരോപിച്ച് പ്രദേശവാസികള്‍ മുന്‍പ് റോഡ് ഉപരോധിച്ചിരുന്നു.
തുടര്‍ന്ന് റോഡ് നന്നാക്കിയെങ്കിലും വെള്ളം കെട്ടി നില്‍ക്കുന്ന ഭാഗങ്ങളില്‍ റോഡ് വീണ്ടും തകര്‍ന്നിരിക്കുകയാണ്.
റോഡില്‍ വെള്ളം കെട്ടിക്കിടക്കുന്നത് ഒഴിവാക്കാനും വാഹനങ്ങളുടെ വേഗത നിയന്ത്രിക്കുന്നതിനുള്ള സംവിധാനമൊരുക്കണമെന്നാണ് നാട്ടുകാരുടെ ആവശ്യം