കൊച്ചി: സ്വപ്ന സുരേഷിന് സുരക്ഷ നല്‍കാനാകില്ലെന്ന് ഇ.ഡി. കേന്ദ്ര സര്‍ക്കാര്‍ കേസില്‍ കക്ഷിയല്ല. അതു കൊണ്ട് സ്വപ്നക്ക് കേന്ദ്ര സുരക്ഷ നല്‍കാനാകില്ല. സുരക്ഷ ആവശ്യപ്പെട്ടുള്ള സ്വപ്നയുടെ ഹരജിയില്‍ നല്‍കിയ മറുപടി സത്യവാങ്മൂലത്തിലാണ് ഇ. ഡി ഇക്കാര്യം വ്യക്തമാക്കിയത്.

അതേസമയം മുഖ്യമന്ത്രിക്കെതിരായ ഗൂഢാലോചനാ കേസില്‍ പി.സി ജോര്‍ജിന് നോട്ടീസ് നല്‍കും. ചോദ്യം ചെയ്യലിനായി വെള്ളിയാഴ്ച തിരുവനന്തപുരത്ത് ഹാജാരാകാനാണ് ക്രൈംബ്രാഞ്ച് നിര്‍ദേശം. നിലവില്‍ ഫയല്‍ ചെയ്ത എഫ്‌ഐ ആറില്‍ സ്വപ്നക്കൊപ്പം പി.സി ജോര്‍ജും കേസില്‍ പ്രതിയാണ്.

മുഖ്യമന്ത്രിയും കുടുംബവുമുള്‍പെടെയുള്ളവര്‍ക്കെതിരെ ഗൂഢാലോചന നടത്തി എന്ന കേസില്‍ പി.സി ജോര്‍ജ് ഉള്‍പെടെയുള്ളവര്‍ക്കെതിരെ പങ്കുണ്ടെന്നായിരുന്നു എന്നാണ് കെ.ടി ജലീല്‍ നല്‍കിയ പരാതിയില്‍ പറയുന്നത്. സ്വപ്ന സുരേഷിനോട് തിങ്കളാഴ്ച കേസില്‍ ഹാജരാവാന്‍ പറഞ്ഞെങ്കിലും ഇഡിയുടെ ചോദ്യം ചെയ്യലുമായി ബന്ധപ്പെട്ട് വരാന്‍ കഴിയില്ലെന്ന് അറിയിക്കുകയായിരുന്നു.