സിദ്ദീഖിന്റെ മരണകാരണം നെഞ്ചിനേറ്റ പരുക്ക്; ഇലക്ട്രിക് കട്ടര്‍ ഉപയോഗിച്ച് മൃതദേഹം മുറിച്ചുമാറ്റി

കോഴിക്കോട്: കൊല്ലപ്പെട്ട ഹോട്ടലുടമ സിദ്ദീഖിന്റെ മരണകാരണം നെഞ്ചിനേറ്റ പരുക്കെന്ന് പോസ്റ്റ്‌മോര്‍ട്ടം റിപ്പോര്‍ട്ട്. തലയ്ക്ക് മരകായുധങ്ങള്‍കൊണ്ട് അടിയേറ്റ പാടുകള്‍ ഉണ്ട്. ഇലക്ട്രിക് കട്ടര്‍ ഉപയോഗിച്ചാണ് മൃതദേഹം മുറിച്ചുമാറ്റിയതെന്നും റിപ്പോര്‍ട്ടില്‍ പറയുന്നു. നെഞ്ചിനേറ്റ ചവിട്ടിന്റെ ആഘാതത്തില്‍ വാരിയെല്ലിന് പൊട്ടലേറ്റിട്ടുണ്ട്. മരിച്ചതിനു ശേഷമാണ് ശരീരം വെട്ടിമുറിച്ചത്. ഇലക്ട്രിക് കട്ടര്‍ ഉപയോഗിച്ച് മൂന്ന് കഷണങ്ങളാക്കിയാണ് മുറിച്ചത്. കാലുകളും ഉടലും വെവ്വേറെയായിട്ടാണ് മുറിച്ചതെന്നും പോസ്റ്റ്‌മോര്‍ട്ടം റിപ്പോര്‍ട്ട് വ്യക്തമാക്കുന്നു. ആറ് മണിക്കൂറിലധികമാണ് പോസ്റ്റ്‌മോര്‍ട്ടം നടപടികള്‍ നീണ്ടുനിന്നത്. ഫോറന്‍സിക് സര്‍ജന്‍ സുജിത്ത് ശ്രീനിവാസന്റെ നേതൃത്വത്തിലാണ് പോസ്റ്റ്‌മോര്‍ട്ടം നടന്നത്.

കൊലപ്പെടുത്തിയ ശേഷം രക്ഷപ്പെട്ട സിദ്ദീഖിന്റെ ഉടമസ്തതയിലുള്ള ഹോട്ടലിലെ ജീവനക്കാരനായിരുന്ന ചെര്‍പ്പുളശേരി സ്വദേശി ഷിബിലി(22), സുഹൃത്ത് ഫര്‍ഹാന(18) എന്നിവര്‍ ചെന്നൈയില്‍ നിന്നാണ് പിടിയിലായത്. തമിഴ്‌നാട് പൊലീസ് പിടികൂടിയ പ്രതികളെ അര്‍ധരാത്രിയോടെ മലപ്പുറത്ത് എത്തിക്കും. കൂട്ടുപ്രതിയും ഫര്‍ഹാനയുടെ സുഹൃത്തുമായ ആഷിക്കിനെ മൃതദേഹം തള്ളിയ അഗളിയില്‍ എത്തിച്ച് തെളിവെടുപ്പ് പൂര്‍ത്തിയാക്കി.

ഹോട്ടല്‍ ഉടമയുടെ കൊലപാതകം: മൃതദേഹത്തിന് ഏഴ് ദിവസത്തെ പഴക്കം; നിര്‍ണായകമായത് സി.സി.ടി.വി ദൃശ്യങ്ങളും എ.ടി.എം കാര്‍ഡും...

Read more at: https://suprabhaatham.com/businessman-s-murder-the-dead-body-is-seven-days-old/