ഇടുക്കി: ഇടുക്കി ശാന്തമ്പാറയില്‍ എല്‍.ഡി.എഫ് യു.ഡി.എഫ് സംഘര്‍ഷം. കോണ്‍ഗ്രസ് നേതാവിന് മര്‍ദ്ദനമേറ്റു. സഹകരണ ബാങ്ക് തിരഞ്ഞെടുപ്പുമായി ബന്ധപ്പെട്ട് ഉണ്ടായ തര്‍ക്കം വന്‍ സംഘര്‍ഷത്തില്‍ കലാശിക്കുകയായിരുന്നു. കോണ്‍ഗ്രസ് ശാന്തമ്പാറ മണ്ഡലം വൈസ്. പ്രസിഡന്റ് ബിജു വടമറ്റത്തിനാണ് പരുക്കേറ്റത്.

ബിജുവിനെ അടിമാലി താലൂക്ക് ആശുപത്രിയില്‍ പ്രവേശിപ്പിച്ചു. മറ്റ് ചില കോണ്‍ഗ്രസ് പ്രവര്‍ത്തകര്‍ക്കും മര്‍ദ്ദനമേറ്റിട്ടുണ്ട്. 2500 ഓളം വോട്ട് പോള്‍ ചെയ്തതില്‍ 2100 ഓളം വോട്ട് നേടി എല്‍.ഡി.എഫ് പാനല്‍ തിരഞ്ഞെടുപ്പില്‍ ജയിച്ചു. വോട്ട് ചലഞ്ച് ചെയ്തതുമായി ബന്ധപ്പെട്ടുണ്ടായ തര്‍ക്കം തുടര്‍ന്ന് സംഘര്‍ഷത്തില്‍ കലാശിക്കുകയായിരുന്നു.