ഗൂഡല്ലൂര്‍: അനധികൃതമായി തമിഴ്‌നാട്ടില്‍ നിന്ന് കേരളത്തിലേക്ക് കടത്തുകയായിരുന്ന റേഷനരി പിടികൂടി. ഗൂഡല്ലൂര്‍-സുല്‍ത്താന്‍ ബത്തേരി അന്തര്‍സംസ്ഥാന പാതയിലെ സൂസംപാടിയില്‍ എസ്.ഐ സൗന്ധര്‍ രാജന്റെ നേതൃത്വത്തില്‍ നടന്ന വാഹന പരിശോധനക്കിടെയാണ് രണ്ട് ടണ്‍ റേഷനരി പിടികൂടിയത്. സുല്‍ത്താന്‍ ബത്തേരി ഭാഗത്തേക്ക് മിനി ലോറിയില്‍ കടത്തുകയായിരുന്ന റേഷനരിയാണ് പിടികൂടിയത്. നാല്‍പ്പത് ചാക്കുകളിലായി അന്‍പത് കിലോ റേഷനരിയാണ് പിടികൂടിയത്. സംഭവത്തില്‍ ഗൂഡല്ലൂര്‍ സ്വദേശി ഡ്രൈവര്‍ നസീര്‍ ബാബു (26)വിനെ പിടികൂടിയിട്ടുണ്ട്. ഇയാളെ ചോദ്യം ചെയ്തു വരികയാണ്. ലോറിയും അരിയും ഫുഡ്‌സെല്‍ വിഭാഗത്തിന് കൈമാറി.