തിരുവനന്തപുരം: മദ്‌റസാ അധ്യാപകര്‍ക്ക് ഭവനനിര്‍മാണത്തിന് രണ്ടരലക്ഷം രൂപ പലിശരഹിത വായ്പ നല്‍കുന്നു. മദ്രസാ ക്ഷേമനിധി ബോര്‍ഡില്‍ അംഗങ്ങളായവര്‍ക്കാണു വായ്പ. ഇതിന്റെ വിതരണോദ്ഘാടനം അടുത്ത മാസം 24ന് കോഴിക്കോട്ട് നടക്കുമെന്നു സംസ്ഥാന ന്യൂനപക്ഷ വികസന ധനകാര്യ കോര്‍പറേഷന്‍ ചെയര്‍മാന്‍ പ്രൊഫ. പി.അബ്ദുല്‍വഹാബ് പറഞ്ഞു.

ഗള്‍ഫില്‍ നിന്നു മടങ്ങുന്നവര്‍ക്ക് കോര്‍പറേഷന്‍ വിവിധ പദ്ധതികള്‍ ആസൂത്രണം ചെയ്യുന്നുണ്ടെന്നും അദ്ദേഹം പറഞ്ഞു. ഇന്നലെ 'സുപ്രഭാതം' തിരുവനന്തപുരം യൂണിറ്റ് ഓഫിസ് അദ്ദേഹം സന്ദര്‍ശിച്ചു. കോര്‍പറേഷന്‍ മാനേജിങ് ഡയറക്ടര്‍ മുഹമ്മദ് ഹനീഫ പെരുഞ്ചേരി, ഡയറക്ടര്‍ ബോര്‍ഡ് മെമ്പര്‍മാരായ കെ.ടി അബ്ദുല്‍ റഹ്മാന്‍, സി.കെ ഉസ്മാന്‍ ഹാജി, ഡോ. എ.പി അലിയാര്‍, ഐ.എന്‍.എല്‍ സംസ്ഥാന ജനറല്‍ സെക്രട്ടറി എന്‍.കെ അബ്ദുല്‍ അസീസ് എന്നിവര്‍ ചെയര്‍മാനോടൊപ്പം ഉണ്ടായിരുന്നു.