കൊട്ടാരക്കര: ഇഞ്ചക്കാട് പണയില്‍മുക്കിനു സമീപം വീട്ടില്‍ മോഷണം.  അഞ്ച് പവന്‍ സ്വര്‍ണവും അയ്യായിരം രൂപയും കവര്‍ന്നു. കെ.ജെ.സദനത്തില്‍ ബിനുവിന്റെ വീട്ടിലാണ് മോഷണം നടന്നത്. മുന്‍വാതില്‍ തകര്‍ത്ത മോഷ്ടാക്കള്‍ അലമാരയില്‍ സൂക്ഷിച്ചിരുന്ന സ്വര്‍ണവും പണവും കവരുകയായിരുന്നു.
പലചരക്കു വ്യാപാരിയായ ബിനു തിങ്കളാഴ്ച രാത്രി വീട്ടിലെത്തിയപ്പോഴാണ് മോഷണവിവരം അറിഞ്ഞത്. പൊലിസും വിരലടയാളം വിദഗ്ധരും സ്ഥലത്തെത്തി പരിശോധന നടത്തി.