കണ്ണൂര്‍: കരിവള്ളൂരില്‍ യുവതി ആത്മഹത്യ ചെയ്തത് ഭര്‍തൃവീട്ടിലെ പീഡനം കാരണമെന്ന് ആരോപിച്ച് ബന്ധുക്കള്‍. പെരുവാമ്പ് സ്വദേശിനി കെ.പി സൂര്യയെയാണ് മൂന്നാം തീയതി മരിച്ച നിലയില്‍ കണ്ടെത്തിയത്. ഭര്‍തൃവീട്ടുകാരുടെ പീഡനമാണ് ആത്മഹതയ്ക്ക് പിന്നിലെന്നാണ് ബന്ധുക്കള്‍ പയ്യന്നൂര്‍ പൊലിസില്‍ നല്‍കിയ പരാതിയില്‍ പറയുന്നത്.

സൂര്യയെ ഭര്‍ത്താവ് രാഗേഷും അമ്മയും ചേര്‍ന്ന് നിരന്തരം പീഡിപ്പിച്ചിരുന്നെന്നു ബന്ധുക്കള്‍ പറഞ്ഞു. 2021 ലാണ് ഇവരുടെ വിവാഹം കഴിഞ്ഞത്. 8 മാസം പ്രായമുള്ള മകനുണ്ട് ഭര്‍ത്താവ് രാഗേഷിനും അമ്മയ്ക്കുമെതിരെ പയ്യന്നൂര്‍ പൊലീസ് കേസെടുത്തിട്ടുണ്ട്.