ഇരിട്ടി: പുന്നാട് ശോഭായാത്രയില്‍ പങ്കെടുത്ത് മടങ്ങുകയായിരുന്ന ബാലികയെയും സ്ത്രീയെയും തെരുവുനായ കടിച്ച് പരുക്കേല്‍പ്പിച്ചു. ഇന്നലെ രാത്രി 7.30ഓടെയാണ് സംഭവം. മീത്തലെപുന്നാട് താവിലാകുറ്റി സ്വദേശി മണിയങ്ങാടത്ത് പത്മാക്ഷി അമ്മ(75), മീത്തലെ പുന്നാട് എന്‍ നാരായണന്റെ മകള്‍ നയന(8) എന്നിവരെയാണ് തെരുവുനായ കടിച്ചത്. ഇരുവരെയും പരിയാരം മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു. ഇരുവരെയും കടിച്ച് പരുക്കേല്‍പ്പിച്ച പട്ടി നിരവധി മറ്റു പട്ടികളെയും പൂച്ചകളെയും കടിച്ചിട്ടുണ്ട്. തുടര്‍ന്ന് പുന്നാട് ടൗണില്‍ വച്ച് തെരുവുനായ്ക്കളുമായി കടിപിടി കൂടുമ്പോള്‍ വണ്ടിയിടിച്ച് ചത്തു. കടിച്ചത് പേയിളകിയ തെരുവുനായയാണോയെന്ന സംശയമുള്ളതിനാല്‍ ജനങ്ങള്‍ ഭീതിയിലാണ്.