കണ്ണൂര്‍: പഴയങ്ങാടി ആര്‍ദ്ര ചാരിറ്റബിള്‍ സൊസൈറ്റിയുടെ കീഴിലുള്ള ജനകീയ പോളിക്ലിനിക്കും മംഗളൂരു കെ.എം.സി ആശുപത്രിയുടെ ഇന്‍ഫര്‍മേഷന്‍ സെന്ററും അടുത്തിലയില്‍ ആരംഭിച്ചു. ഹോസ്പിറ്റല്‍ യൂനിറ്റ് ഹെഡ് സഗീര്‍ സിദ്ദീഖി ഉദ്ഘാടനം ചെയ്തു.  മെഡിക്കല്‍ സര്‍വിസുകള്‍, വീഡിയോ കണ്‍സല്‍ട്ടേഷന്‍, ക്ലിനിക്കല്‍ ലാബ്, ആംബുലന്‍സ് സൗകര്യം എന്നിവ സെന്ററില്‍ ലഭിക്കും. കെ.എം.സിയിലെ ഡോക്ടര്‍മാരുടെ സേവനവും ഒ.പി വിഭാഗവും സെന്ററില്‍ പ്രവര്‍ത്തിക്കുന്നുണ്ട്. വാര്‍ത്താസമ്മേളനത്തില്‍ ഡെപ്യൂട്ടി മാനേജര്‍ എസ് ജയറാം, മാര്‍ക്കറ്റിങ് മാനേജര്‍ സുരേന്ദ്രപ്രസാദ്, പി.ജെ തോമസ്, എസ്.പി ശ്രീധരന്‍, എം.കെ സുകുമാരന്‍ സംബന്ധിച്ചു.