ദുബായ്: കണ്ണൂര്‍ തലശ്ശേരി സ്വദേശി മുഹമ്മദ് റിഷാം (32) ദുബായില്‍ നിര്യാതനായി. ദുബായ് എന്‍എംസി ആശുപത്രിയില്‍ ഹൃദയാഘാതത്തെ തുടര്‍ന്നായിരുന്നു മരണം. തലശ്ശേരി താനിക്ക റഹീമിന്റെയും ടി സി മുക്കിലെ വെങ്ങറകത്ത് പുതിയ പുരയില്‍ റഹ്മത്തിന്റെയും മകനാണ്. ഭാര്യ: സുഹറ. ഏക സഹോദരന്‍: റൈഹാന്‍. തിങ്കളാഴ്ച നാട്ടിലെത്തിക്കുന്ന മയ്യിത്ത് രാവിലെ 11 മണിക്ക് കിഴക്കേ കതിരൂരിലെ 'ഹാജിറാസി'ല്‍ പൊതുദര്‍ശനത്തിന് വച്ച ശേഷം തലശ്ശേരി സൈദാര്‍ പള്ളി ഖബര്‍സ്ഥാനില്‍ മറവു ചെയ്യുമെന്ന് ബന്ധു ഫിറോസ് തമന്ന അറിയിച്ചു. മുഹമ്മദ് റിഷാമിന്റെ നിര്യാണത്തില്‍ ചിരന്തന പ്രസിഡന്റ് പുന്നക്കന്‍ മുഹമ്മദലി അനുശോചിച്ചു.