ബമാകോ: മാലിയുടെ ഇടക്കാല പ്രസിഡന്റ് അസിമി ഗൊയ്തക്കെതിരെ കത്തിയാക്രമണം. തലസ്ഥാന നഗരിയായ ബമാകോയിലെ പള്ളിയില്‍ ബലിപെരുന്നാള്‍ നിസ്‌കരിക്കുന്നിതിനിടെയാണ് ആക്രമണമുണ്ടായത്.

സംഭവം നടന്നയുടനെ അസിമിയെ സ്ഥലത്തുനിന്നു മാറ്റി. പള്ളിയിലുണ്ടായിരുന്ന എ.എഫ്.പി റിപ്പോര്‍ട്ടറാണ് ഇക്കാര്യം വ്യക്തമാക്കിയത്.

കഴിഞ്ഞമാസമാണ് മാലിയുടെ ഇടക്കാല പ്രസിഡന്റായി അസിമി ചുമതലയേറ്റത്.

2020 ഓഗസ്റ്റില്‍ പ്രസിഡന്റായിരുന്ന ഇബ്‌റാഹിം ബൗബകാര്‍ കെയ്തയെ സൈനിക അട്ടിമറിയിലൂടെ താഴെയിറക്കാന്‍ അസിമിയാണ് നേതൃത്വം നല്‍കിയത്. മാസങ്ങള്‍ നീണ്ട സര്‍ക്കാര്‍വിരുദ്ധ പ്രക്ഷോഭത്തിനൊടുവിലായിരുന്നു അട്ടിമറി.