കാസര്‍കോട്: വിശുദ്ധ ഹജ്ജ് കര്‍മ്മത്തിനായി പോകുന്ന ഹജ്ജാജിമാര്‍ക്ക് ഇന്നലെ കാസര്‍കോട് റെയില്‍വെ സ്‌റ്റേഷനില്‍ വികാരനിര്‍ഭര യാത്രയയപ്പ്. കാസര്‍കോട് മേഖലയുടെ വിവിധ ഭാഗങ്ങളില്‍ നിന്നും ഹജ്ജിനു പോകുന്ന നിരവധി പേരാണ് ഇന്നലെ രാവിലെ കാസര്‍കോട് റെയില്‍വെ സ്‌റ്റേഷനില്‍ നിന്നും യാത്രതിരിച്ചത്. ഇവരെ യാത്രയയക്കാന്‍ എത്തിയ ബന്ധുക്കളും സുഹൃത്തുക്കളുമടക്കം നൂറുക്കണക്കിനു പേരാണ് ഇവര്‍ക്ക് യാത്രയയപ്പ് ഒരുക്കിയത്. ഇന്നലെ പുലര്‍ച്ചെ കാസര്‍കോടെത്തിയ ബിഖാനീര്‍-കൊച്ചുവേളി എക്‌സ്പ്രസിനാണ് ഹജ്ജ് സംഘം യാത്രതിരിച്ച്. ഇവര്‍ വൈകുന്നേരത്തോടെ നെടുമ്പാശേരിയിലെ ഹജ്ജ് ക്യംപില്‍ എത്തി. ഇന്നു വൈകുന്നേരത്തെ വിമാനത്തില്‍ സഊദിയിലേക്ക് യാത്ര തിരക്കും.