കാളികാവ്: മമ്പാട്ടുമൂല കാഞ്ഞിരപ്പൊയിലില്‍ തെരുവുനായകളുടെ വിളയാട്ടം. പാറല്‍ മാടമ്പം കൂരാട് റോഡിലെ കാഞ്ഞിരപ്പൊയിലില്‍ ഗ്രൗണ്ടില്‍ താവളമാക്കിയ തെരുവുനായകള്‍ യാത്രക്കാര്‍ക്കും പരിസരവാസികള്‍ക്കും ഒരുപോലെ ഭീതിയാണ്. രാവിലെ മദ്‌റസയില്‍ പോകുന്ന കുട്ടികളെ ഈ ഭാഗത്തുനിന്നു തെരുവുനായകള്‍ ആട്ടിയോടിക്കുന്നതു പതിവാണ്. പരിസര വീടുകളിലെ വളര്‍ത്തു ജീവികളെ സംഘം ചേര്‍ന്നു കൊലപ്പെടുത്തുന്ന പതിവായതോടെ പരാതിയുമായി പല തവണ അധികൃതരെ സമീപിച്ചെങ്കിലും നടപടിയുണ്ടായില്ലെന്ന് നാട്ടുകാര്‍ ആരോപിച്ചു.
കാഞ്ഞിരപ്പൊയിലിലൂടെ സഞ്ചരിക്കുന്ന ഓട്ടോ, ബൈക്ക് യാത്രക്കാര്‍ തെരുവുനായകളുടെ അക്രമണത്തില്‍ ഭീതിയോടെയാണ് അതുവഴി കടന്നു പോകുന്നത്.