കൊടുങ്ങല്ലൂര്‍: ശ്രീകൃഷ്ണ ജയന്തി ദിനത്തോടനുബന്ധിച്ച് സ്ഥാപിച്ചിരുന്ന കൊടി നശിപ്പിച്ച സംഭവത്തില്‍ രണ്ട് സി.പി.എം പ്രവര്‍ത്തകര്‍ അറസ്റ്റില്‍. മേത്തല അഞ്ചപ്പാലത്ത് സ്ഥാപിച്ചിരുന്ന കൊടിയാണ് കഴിഞ്ഞ ദിവസം നശിപ്പിച്ചത്.
സംഭവത്തില്‍ അഞ്ചപ്പാലം സ്വദേശികളായ അജ്മല്‍, അബി എന്നിവരെ പൊലിസ് അറസ്റ്റ് ചെയ്ത് ജാമ്യത്തില്‍ വിട്ടിരുന്നു. അറസ്റ്റിലായവരുടെ ഫോട്ടോ ഫ്‌ളക്‌സ് അടിച്ച് ബി.ജെ.പി പ്രവര്‍ത്തകര്‍ പ്രദേശത്ത് സ്ഥാപിച്ചിരുന്നു. ഇതേ തുടര്‍ന്ന് സി.പി.എം ബി.ജെ.പി പ്രവര്‍ത്തകര്‍ തമ്മില്‍ സംഘര്‍ഷം ഉടലെടുക്കുകയും സി.ഐ ബിജുകുമാര്‍ സ്ഥലത്ത് എത്തി ഫ്‌ളക്‌സ് നീക്കം ചെയ്ത് സംഘര്‍ഷം ഒഴിവാക്കി. തുടര്‍ന്ന് കൊടി നശിപ്പിച്ച സംഭവത്തില്‍ ബി.ജെ.പി ഇവിടെ പ്രതിഷേധ യോഗം നടത്തി.