പാലക്കാട്: സുപ്രഭാതം എട്ടാമത് പ്രചാരണ കാംപയിന്‍ വിജയിപ്പിക്കാന്‍ എസ്.വൈ.എസ് ജില്ലാ ജന. സെക്രട്ടറിമാരുടെയും സുപ്രഭാതം ജില്ലാ കോഡിനേറ്റര്‍മാരുടെയും സംയുക്തയോഗം പദ്ധതികള്‍ ആവിഷ്‌ക്കരിച്ചു. 

എസ്.കെ.ജെ.എം, എസ്.കെ.എസ്.എസ്.എഫ്, ജംഇയ്യത്തുല്‍ ഖുത്വബാ, സമസ്തയുടെ മറ്റു പോഷകഘടകങ്ങള്‍ എന്നിവരുമായി സഹകരിച്ച് മദ്‌റസാ തലങ്ങളില്‍ നടക്കുന്ന വരിചേര്‍ക്കുന്നതിലും മറ്റു കാംപയിന്‍ പ്രവര്‍ത്തനങ്ങള്‍ വിജയിപ്പിക്കുന്നതിലും പങ്കാളിത്വം ഉറപ്പാക്കും. കാംപയിന്‍ പ്രവര്‍ത്തനങ്ങളുടെ ഭാഗമായി സര്‍ക്കാര്‍ ഓഫിസുകളിലും പബ്ലിക് ലൈബ്രറികളിലും പത്രം എത്തിക്കുന്നതിനായി എസ്.വൈ.എസിന് പ്രത്യേകം ചുമതലപ്പെടുത്തിയിട്ടുള്ള 'ഔദ്യോഗികം സുപ്രഭാതം' പദ്ധതിയുടെ സംസ്ഥാന തല ഉദ്ഘാടനം ഇന്നലെ  മലപ്പുറത്തു നടന്നു. ജില്ലാ തല ഉദ്ഘാടനങ്ങള്‍ ഓഗസ്റ്റ് രണ്ടിന് ജില്ലാ കേന്ദ്രങ്ങളില്‍ നടത്തും. പദ്ധതി വിജയിപ്പിക്കുന്നതിനായി  ജില്ലാ, മണ്ഡലം, മേഖല, പഞ്ചായത്ത്, മുനിസിപ്പല്‍, ഏരിയ കമ്മിറ്റികള്‍ക്ക് സ്ഥാപനങ്ങള്‍ വിഭജിച്ച് നല്‍കും. ഓഗസ്റ്റ് ഒന്നിനകം ജില്ലാതലങ്ങളില്‍ സെക്രട്ടറിമാരുടെയും കോഡിനേറ്റര്‍മാരുടെയും യോഗം ചേരും. 

കാംപയിന്‍ സമിതി ചെയര്‍മാന്‍ അബ്ദുസ്സമദ് പൂക്കോട്ടൂര്‍ യോഗത്തില്‍ അധ്യക്ഷനായി. സംസ്ഥാന ജന. സെക്രട്ടറി സയ്യിദ് മുഹമ്മദ് കോയ തങ്ങള്‍ ജമലുല്ലൈലി ഉദ്ഘാടനം ചെയ്തു. വര്‍ക്കിങ് സെക്രട്ടറി ഒ. അബ്ദുല്‍ ഹമീദ് ഫൈസി അമ്പലക്കടവ് വിഷയം അവതരിപ്പിച്ചു. സുപ്രഭാതം സി.ഇ.ഒ മുസ്തഫ മാസ്റ്റര്‍ മുണ്ടുപാറ, ഹംസ ഹാജി പള്ളിപ്പുഴ (കാസര്‍കോട്), ഇബ്‌റാഹിം മൗലവി ഇടവച്ചാല്‍ (കണ്ണൂര്‍), കെ.എം നാസര്‍ മൗലവി (വയനാട്), ഹിഫ്‌ളുറഹ്മാന്‍ ബേപ്പൂര്‍ (കോഴിക്കോട്) സലീം എടക്കര (മലപ്പുറം ഈസ്റ്റ്), കെ.കെ.എസ് തങ്ങള്‍ വെട്ടിച്ചിറ (മലപ്പുറം വെസ്റ്റ്), ജി.എം സ്വലാഹുദ്ദീന്‍ ഫൈസി വല്ലപ്പുഴ(പാലക്കാട്), ശറഫുദ്ദീന്‍ വെണ്‍മേനാട് (തൃശൂര്‍), എം.എം ഫരീദ് (എറണാകുളം), ഫൈസല്‍ ശംസുദ്ദീന്‍ (ആലപ്പുഴ), പി.എസ് സുബൈര്‍ (ഇടുക്കി), അഡ്വ. ഇബ്‌റാഹീം കുട്ടി (പത്തനംതിട്ട), ഷാനവാസ് മാസ്റ്റര്‍ കണിയാപുരം (തിരുവനന്തപുരം), സുപ്രഭാതം സര്‍ക്കുലേഷന്‍ മാനേജര്‍ ഷാനവാസ് തുടങ്ങിയവര്‍ ചര്‍ച്ചയില്‍ പങ്കെടുത്തു. സംസ്ഥാന കോഡിനേറ്റര്‍ ടി.കെ മുഹമ്മദ് കുട്ടി ഫൈസി പട്ടാമ്പി സ്വാഗതവും കണ്‍വിനര്‍ കൊടക് എം. അബ്ദുറഹ്മാന്‍ മുസ്‌ലിയാര്‍ നന്ദിയും പറഞ്ഞു.