സലാല കേരള സുന്നി സെന്റർ നബിദിന കാമ്പയിന് തുടക്കമായി

സലാല: 'തിരുനബി (സ) സ്നേഹം, സമത്വം, സഹിഷ്ണുത' എന്ന പ്രമേയത്തിൽ ഒരു മാസം നീണ്ട് നിൽക്കുന്ന മീലാദ് കാമ്പയിന് ഔപചാരികമായ തുടക്കമായി. ദാരീസ് ഏരിയാ സുന്നി സെന്റർ കമ്മിറ്റി മസ്ജിദ് ഹദ്ദാദിൽ സംഘടിപ്പിച്ച മീലാദ് പരിപാടിയിൽ വെച്ച് സുന്നി സെന്റർ കേന്ദ്ര കമ്മിറ്റി പ്രസിഡണ്ട് അബ്ദുൽ അസീസ് ഹാജി മണിമല കാമ്പയിൻ ഉദ്ഘാടനം ചെയ്തു. ഉസ്താദ് അബ്ദുല്ല അൻവരി മുടിക്കോട് മുഖ്യപ്രഭാഷണം നടത്തി. കേന്ദ്ര കമ്മിറ്റി നേതാക്കളായ മൊയ്തീൻ കുട്ടി ഫൈസി വെളിമുക്ക്, റഷീദ് കൈനിക്കര തുടങ്ങിയവർ സംസാരിച്ചു.

റബീഉൽ അവ്വൽ പന്ത്രണ്ടിന് വിപുലമായ പരിപാടി (സെപ്തംബർ 27 ന് രാത്രി) മസ്ജിദ് ഉമർ റവാ സിൽ വെച്ച് നടക്കുമെന്നും പ്രഗത്ഭ പണ്ഡിതനും വാഗ്മിയുമായ ഉസ്താദ് സ്വാലിഹ് അൻവരി ചേകനൂർ മുഖ്യാതിഥി ആയിരിക്കുമെന്നും സുന്നി സെന്റർ നേതാക്കൾ അറിയിച്ചു. അൽ മദ്റസത്തു സുന്നിയ്യ വിദ്യാർത്ഥികളുടെ നബിദിന പരിപാടികൾ ജൂൺ 6 ന് സലാല മ്യൂസിയം ഹാൾ ഓഡിറ്റോറിയത്തിൽ വെച്ച് നടക്കും.

ചടങ്ങിൽ സുന്നി സെന്റർ കേന്ദ്ര നേതാക്കളും ഏരിയാ നേതാക്കളും സംബന്ധിച്ചു. അമീർ മുസ്ല്യാർ പത്തിരിപ്പാല അദ്ധ്യക്ഷത വഹിച്ചു. മുസ്ഥഫ ഫലൂജ സ്വാഗതവും ഹുസൈൻ കണ്ണൂർ നന്ദിയും പറഞ്ഞു.